Minčuk miesiac zmahajecca z tabličkaj «Kuplajcie biełaruskaje» ŭ kramie: jaje prymacavali na rasijskija syrki
Mužčyna abtelefanavaŭ usie instancyi i padklučyŭ administracyju rajona, ale atrymlivajecca ŭsio ź pieramiennym pośpiecham.
Mužčyna ŭ adnoj z kramaŭ stalicy zaŭvažyŭ na hłaziravanych syrkach tabličku «Kuplajcie biełaruskaje». Voś tolki sami syrki byli vyrableny ŭ Rasii.
Ceły miesiac jon vioŭ upartuju baraćbu z kramaj, kab tabličku źniali, i navat padklučyŭ administracyju rajona, piša Onliner.by
«Chaču papiaredzić inšych pakupnikoŭ. Zusim niadaŭna ŭ małočnym adździele kramy ja zaŭvažyŭ, što pad ceńnikam na hłaziravanyja syrki rasijskaj vytvorčaści visieła tablička «Kuplajcie biełaruskaje». Atrymlivajecca, što ludziam prapanoŭvali zamiežny tavar pad vyhladam biełaruskaha», — kaža mužčyna.
Na samym syrku ŭ jakaści vytvorcy ŭkazany «Fud Miłk», Rasijskaja Fiederacyja.
Minčuk adznačyŭ, što adrazu paviedamiŭ pra heta supracoŭnikam kramy. Tabličku prybrali, ale na hetym historyja nie skončyłasia. Praź niekalki dzion, zajšoŭšy ŭ tuju ž kramu, jon ubačyŭ toj ža samy nadpis na tym ža samym tavary.
«Ja patelefanavaŭ na haračuju liniju i padrabiazna apisaŭ situacyju. Mnie abiacali razabracca. Ale praź niekalki dzion tablička znoŭ była na miescy, byccam ničoha nie adbyłosia. Paŭtorny zvanok taksama nie dapamoh. Bolš za toje, na haračaj linii zajavili, što nijakaj infarmacyi pra moj papiaredni zvarot u ich niama», — raspavioŭ mužčyna.
Pa jaho słovach, za miesiac jon trojčy rabiŭ zaŭvahi — i asabista, i pa telefonie. Ale vynik pakul nulavy. Varta adznačyć, što paśla zvarotu ŭ MARH i administracyju rajona čynoŭniki ŭsio ž vyjavili parušeńni ŭ kramie.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary