Zorka bajevikoŭ z 90-ch staŭ fihurantam kryminalnaj spravy ŭ Rumynii.
Bielhijski akcior Žan-Kłod van Dam staŭ fihurantam kryminalnaj spravy ab handli ludźmi, u tym liku niepaŭnaletnimi.
Spravu rasśleduje rumynskaja prakuratura pa baraćbie z arhanizavanaj złačynnaściu i teraryzmam. Zajavu na akciora padała 26-hadovaja hramadzianka Rumynii, piša Libertatea.
Dziaŭčyna śćviardžaje, što padvierhłasia seksualnaj ekspłuatacyi z boku van Dama dziesiać hadoŭ tamu ŭ Kanach. Tady jana była niepaŭnaletniaj.
Van Dam fihuruje ŭ spravie ab złačynnaj sietcy pa handli ludźmi, jakuju arhanizavaŭ rumynski pradprymalnik i ŭładalnik madelnaha ahienctva Moreł Bola. Pa danych śledstva, biznesmien praz svajo ahienctva ŭciahvaŭ dziaŭčat, u tym liku niepaŭnaletnich, u prastytucyju z prymianieńniem psichałahičnaha prymusu. Pasłuhami Boli nibyta karystaŭsia i bielhijski akcior.
«Žan-Kłod Van Dam abvinavačvajecca ŭ tym, što nibyta atrymlivaŭ seksualnyja pasłuhi adnačasova ad piaci rumynskich dziaŭčat, jakija znachodzilisia ŭ zaležnym stanoviščy, pry padazreńni na ich ekspłuatacyju», — raskazaŭ advakat mierkavanaj paciarpiełaj.
Zhodna z zajavaj 26-hadovaj žycharki Jas, «dziaŭčat daryli akcioru» ŭ Kanach, i prysutnyja viedali, što maładyja žančyny ekspłuatavalisia.
Heta nie pieršy vypadak, kali van Dam fihuruje ŭ spravie ab niedapuščalnych pavodzinach. U 2022 hodzie bielhijskaja prakuratura pačała rasśledavańnie ŭ dačynieńni da akciora paśla skarhi na seksualny hvałt. Incydent nibyta adbyŭsia ŭ žniŭni 2021 hoda ŭ elitnym bary ŭ Bruseli.
Pa paviedamleńniach bielhijskaj presy, 33-hadovaja žančyna zajaviła, što akcior sprabavaŭ zmusić jaje da intymnaj blizkaści. Choć rasśledavańnie było pačata, Van Dam tady admaŭlaŭ usie abvinavačvańni.
«Ja schapiŭ jaje za ściohny, kab nie paśliznucca». U Paryžy idzie sudovy praces nad Žeraram Depardjo pa abvinavačvańni ŭ seksualnym hvałcie
Ci časta biełaruski sutykajucca z charasmientam? Aktyvisty praviali apytańnie
Byłoha karala chip-chopu P. Diddy usio bolš mužčyn abvinavačvajuć u seksualnym hvałcie
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ3
Kamientary