Siłaviki nakryli koł-centr u Minsku, jaki razvodziŭ na hrošy rasiejcaŭ
Machlary pradstaŭlalisia supracoŭnikami viadomych trejdynhavych kampanij.
HUBAZiK raskryŭ sietku ašukanskich kołł-centraŭ.
Machlary pradstaŭlalisia achviaram supracoŭnikami viadomych trejdynhavych kampanij i prapanoŭvali «vyhadna inviestavać» u nieisnujučyja biznes-prajekty.
Zatrymali 37 fihurantaŭ. Siłaviki praciahvajuć šukać machlaroŭ i paciarpiełych, paviedamlaje MUS.
U machlaroŭ kanfiskavali 550 000 rubloŭ hatoŭkaj, 11 aŭtamabilaŭ ahulnym koštam bolš za 710 tysiač rubloŭ.
Nakładzieny aryšt na 6 rachunkaŭ, jakija vykarystoŭvalisia pry ździajśnieńni złačynstvaŭ.
Adna z supracoŭnic hetaha koł-centra raskazvaje ŭ siužecie BT: znajšła ŭ 2023 hodzie ŭ internecie vakansiju, na sumoŭi byli standartnyja pytańni, sutnaść pracy asabliva nie tłumačyli.
U asnoŭnym machlary padmanvali žycharoŭ Rasii. Paśla časam zvanili i žycharam Ukrainy. Klijentam prapanoŭvali adkryć brokierski rachunak, startavy ŭznos — 200 dalaraŭ.
Ź siaredziny leta 2022 hoda ŭ machlaroŭ było piać koł-centraŭ u Minsku, paźniej jany pierajechali ŭ adzin kala stancyi mietro «Uschod».
U supracoŭnikaŭ byli strohija praviły — usia pracy tolki z ofisa na vydadzienym abstalavańni. Paciarpiełym, jakim zvanili, vyśviečvaŭsia nie biełaruski numar, a inšaj krainy.
Heta druhi padobny raskryty koł-centr. Letaś nakryli jašče adzin, zatrymali kala paŭsotni čałaviek. Ci źviazanyja hetyja koł-centry, pakul nieviadoma.
Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ2
Kamientary
Kuplali mašyny, tracili hrošy ŭ Biełarusi, imavierna i ŭ Rasiei. Tak što ŭsio viartałasia, u amal sumiesnuju zaraz ekanomiku.