U vydaviectvie Ramana Cymbierava vyjšaŭ druhi tom epičnaj paemy staražytnarymskaha paeta Vierhilija «Eneida» ŭ pierakładzie z łacinskaj movy Lavona Barščeŭskaha. Kniha ŭžo dastupnaja dla pakupki jak u Biełarusi, tak i za jaje miežami, piša Bellit.info.
Zaklučnyja šeść knih paemy «Eneida», źmieščanyja ŭ hetym tomie, źjaŭlajucca ŭzoram hieraičnaha epasu: na pieršy płan tut vychodziać sceny kryvavaj vajny pamiž pravadyrom łacincaŭ-rutułaŭ Turnam i trajancam boskaha pachodžańnia Enejem, jaki sa svaimi ludźmi prybyŭ na italijskija ziemli, kab znajści sabie novuju radzimu.
Kniha źmiaščaje bahaty śpis krynic, dastupnych anłajn, jakija dapamohuć čytaču zahłybicca ŭ hety kłasičny tvor.
Kupić navinku ŭžo možna ŭ «Akademičnaj knizie» ŭ Miensku, a taksama ŭ kramie ŭ HC «Kupałaŭski» pad Kastryčnickaj płoščaj, ralety 41—42 (stancyi mietro Kupałaŭskaja i Kastryčnickaja). Mahčymaz kurjerskaja dastaŭka pa horadzie, košt dastaŭki 8 rubloŭ.
A ź pierasyłkaj pa ŭsim śviecie knihu možna prydbać praz sajt Kniger.by
Pieršy tom (knihi I—VI) staražytnarymskaha epasu pabačyŭ śviet u lutym 2025 hodu.
Ahułam, za apošni čas vyjšaŭ šerah staražytnych epasaŭ u pierakładach palihłota Lavona Barščeŭskaha — staražytnahreckaja paema Hamiera «Ilijada», miesapatamski «Epas pra Hilhamieša» i epas naroda maja-kiče «Popal Vuch».
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary