U Minsku pradajuć kvateru z šykoŭnym vidam na horad — z vannaha pakoja
Kvatera znachodzicca ŭ centry Minska ź vidam na nabiarežnuju raki Śvisłač. Nazirać za žyćciom stalicy možna ležačy ŭ vańnie.
Trochpakajoŭka, jakuju pradajuć, mieścicca na 22-m paviersie ŽK «Słavianski kvartał». Ahulnaja płošča kvatery 140 kvadrataŭ. Kuchnia-haścioŭnia adnosna nievialikaja — 23 m².
Jak paznačana ŭ abjavie, dyzajn kvatery vykanany ŭ styli fusion.
U kuchni-haścioŭni dyzajniery spałučyli hrecki, kłasičny i sučasny styli. Na ścienach visiać statui atłantaŭ ručnoj pracy, vykananyja pa śpieczakazie.
Adzin z vannych pakojaŭ vykanany ŭ styli chaj-tek z elemientami madernu.
U apisańni paznačana, što ŭ apartamientach zroblena prafiesijnaja hukaizalacyja, ubudavanaja sistema kandycyjanavańnia Aeronic i padłohi z padahrevam.
Mały spalny pakoj (28,5 m²) i prychožaja vykanany ŭ kłasičnym jeŭrapiejskim styli.
Ale hałoŭnaja fiška hetaj kvatery chavajecca ŭ inšym pamiaškańni. Z druhoj spalni, jakaja maje płošču 38 m², jość vychad u vanny pakoj na 12 m² z panaramnymi voknami.
Ležačy ŭ vannaj, haspadar kvatery moža atrymlivać asałodu ad vidu na Minsk.
Aproč vannaj, tualeta, bide i rukamyjnika, tut jość prastornaja dušavaja kabina.
Kvatera abstalavanaja santechnikaj firmy Villeroy&Boch. Prosiać za apartamienty 490 tysiač dalaraŭ, što kala 3500 dalaraŭ za kvadrat.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1515
Kamientary
ciešycca (kim-čym) mieć (atrymlivać) asałodu (uciechu) (ad kaho-čaho)
nasłaždaťsia priekrasnymi stichami — z asałodaj čytać (słuchać) cudoŭnyja vieršy