Na aŭkcyjonnaj placoŭcy Biełaruskaj univiersalnaj tavarnaj biržy znoŭ źbirajucca pradavać budynak byłoha biernardzinskaha klaštara ŭ Dubroŭnie. Heta ŭžo daloka nie pieršyja tarhi, i kali raniej za budynak sprabavali ŭziać choć niejkija hrošy, to ciapier hatovyja addać usiaho za adnu bazavuju vieličyniu, piša Blizko.by.
Budynak ahulnaj płoščaj 456,6 kvadratnaha mietra byŭ uźviedzieny jašče ŭ XIX stahodździ. Pakolki budynak manastyra źjaŭlajecca pomnikam historyka-kulturnaj spadčyny, to kupiec abaviazvajecca vykonvać peŭnyja patrabavańni ŭ častcy achovy hetaj spadčyny.
Razam z klaštaram pakupnik atrymaje ŭ arendu na 50 hadoŭ prylehłuju terytoryju. U apisańni łota skazana, što vykarystoŭvać ziamielny ŭčastak možna dla raźmiaščeńnia abjektaŭ žyllovaha budaŭnictva, administracyjnaha pryznačeńnia, hatelnaha pryznačeńnia, fizkulturna-azdaraŭlenčaha pryznačeńnia, roźničnaha handlu, kulturna-aśvietnaha i (abo) vidoviščnaha pryznačeńnia i inšaj pradprymalnickaj dziejnaści.
Spačatku klaštar vystavili na tarhi ŭ kastryčniku 2024 hoda. Tady za jaho chacieli 371 000 rubloŭ. Tarhi nie adbylisia, i abjekt pieravystavili sa źnižeńniem koštu: za 74 200 rubloŭ (heta značyć, košt źnizili roŭna ŭ 5 razoŭ, abo na 80%). Ale i pa hetaj canie ŭ studzieni aŭkcyjon nie adbyŭsia pa pryčynie adsutnaści zajavak.
Ciapier klaštar pieravystaŭleny na tarhi ŭsiaho za 1 bazavuju vieličyniu, abo 42 rubli. Takim čynam, adnosna pieršapačatkovaj cany košt źniziŭsia ŭ 8833 razy.
Pieršy krok tarhoŭ składaje 2,1 rubla. Akramia taho, pieramožca pavinien budzie pakryć vydatki na praviadzieńnie tarhoŭ: 100 rubloŭ. Takim čynam, stać uładalnikam manastyra možna minimum za 144,1 rubla, abo prykładna za 46 dalaraŭ ZŠA.
Tarhi pryznačanyja na 30 krasavika 2025 hoda.
Ciapier čytajuć
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»12
«Ab biełaruskich aŭtaraŭ vycierli nohi». Kurejčyk i Marynič sudziacca za sieryjał «Akreścina»
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary