Mihranty atakavali polskich pamiežnikaŭ. Siarod napadnikaŭ byŭ čałaviek u biełaruskaj formie
Na polska-biełaruskaj miažy adbyłosia čarhovaje abvastreńnie situacyi: hrupa mihrantaŭ napała na polski pamiežny patrul, kidajučy ŭ jaho kamiani i paškodziŭšy słužbovy aŭtamabil. Incydent adbyŭsia ŭ rajonie nasielenaha punkta Mielnik.
Pavodle infarmacyi pres-sakratara ministra ŭnutranych spraŭ i administracyi Polščy Jaceka Dabžyńskaha, siarod napadajučych byŭ zaŭvažany čałaviek u formie biełaruskich słužbaŭ. Jon taksama kidaŭ kamiani ŭ bok polskich pamiežnikaŭ.
Granica niedaleko Mielnika. Kilkadziesiąt osób próbuje pokonać zabezpieczenie usiłując nielegalnie wedrzeć się do Polski. Gdy pojawia się patrol @Straz_Graniczna napastnicy zaczynają rzucać kamieniami w nadjeżdżające auto. W grupie agresorów kamera rejestruje umundurowanego… pic.twitter.com/lXmqnsWKr2
«Miaža ŭ rajonie Mielnika. Dziasiatki ludziej sprabujuć prarvacca praz achovu, sprabujučy nielehalna trapić u Polšču. Kali źjaŭlajecca pamiežny patrul, napadniki pačynajuć kidać kamiani ŭ aŭtamabil. U hrupie ahresaraŭ kamiera fiksuje supracoŭnika biełaruskaj słužby ŭ formie, jaki taksama atakuje kamianiami našych supracoŭnikaŭ u formie. Dziakujučy chutkaj i efiektyŭnaj reakcyi pamiežnikaŭ i sałdat, nikomu nie ŭdałosia prakraścisia ŭ našu krainu. Polskaja miaža zakrytaja. Pierachod praź jaje niemahčymy», — napisaŭ jon i apublikavaŭ videa.
Polskija ŭłady adznačajuć, što napružańnie na miažy ź Biełaruśsiu raście ŭžo niekalki dzion. Pamiežniki fiksujuć usio bolš sprobaŭ pierasiačeńnia miažy, a pavodziny mihrantaŭ stanoviacca bolš ahresiŭnymi.
U suviazi z paharšeńniem situacyi Polšča razhladaje mahčymaść uzmacnieńnia achovy miažy i pryciahnieńnia dadatkovych sił dla patrulavańnia.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary