Hałoŭčanka parazvažaŭ, čamu biełarusy ličać ceny ŭ dalarach, a rasiejcy — nie
Były premjer dadaŭ, što ŭ jaho siamji takoj zvyčki ŭžo niama.
Staršynia praŭleńnia Nacyjanalnaha banka Raman Hałoŭčanka parazvažaŭ, čamu biełarusy dahetul ličać ceny ŭ dalarach. Na jaho dumku, heta sprava zvyčki.
«Mahčyma, heta źviazana z tym, što my miažujem ź Jeŭrapiejskim Sajuzam. U toj ža Rasijskaj Fiederacyi, darečy skazać, hetaja zaležnaść značna mienšaja. Napeŭna, heta bolš faktar, źviazany z našaj hieahrafičnaj blizkaściu da Jeŭropy. My ŭ siamji, naprykład, niejak voś užo adyšli ad hetaha. Moža być, na niejkija takija bujnyja pakupki, jak nieruchomaść ci jašče niešta, jašče zvyčka zachoŭvajecca, ale, dumaju, projdzie jašče peŭny čas i my ŭsio bolš budziem pazbaŭlacca ad pryviazki da niejkaj čužoj valuty», — skazaŭ Hałoŭčanka na telekanale «Biełaruś 1».
Hałoŭčanka dadaŭ, što na heta jość łahičnyja pryčyny: biełarusy nijak nie ŭpłyvajuć na toje, što adbyvajecca z amierykanskim dalaram, a voś biełaruskim rublom mohuć kiravać.
Staršynia Nacbanka śćviardžaje, što palityka devalutyzacyi daje svoj plon. «Niezdarma my całkam adviazali ŭsie taryfy ad dalaraŭ, staŭku arendnaj płaty ad valuty. Heta dobra ŭsprymajecca, heta pryžyłosia ŭžo. I ŭžo navat usie płaciažy, jakija šyroka vykarystoŭvajucca i jakija raniej byli pryviazanyja, ciapier ludzi spakojna nazyvajuć u biełaruskich rublach. Nikoha heta nie šakuje. Dumaju, što tut pytańnie mienavita davieru da nacyjanalnaj valuty», — ličyć Raman Hałoŭčanka.
Ciapier čytajuć
Łukašenka patłumačyŭ, čamu jaho nie vidać pa sieradach i subotach2
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Biełorusskimi rublami užie vyhodnieje podtiraťsia, čiem tualetnoj bumahoj, kurs kotoroj postojanno rastiot po otnošieniju k nacionalnoj biełorusskomu valutie.