Pachavańnie Papy Rymskaha Franciška, adbudziecca ŭ subotu, 26 krasavika, paviedamlaje Reuters sa spasyłkaj na zajavu pres-słužby Śviatoha Pasadu.
Pavodle źmien, uniesienych pantyfikam u dakumient Ordo Exsequiarum Romani Pontificis, pachavańnie budzie adroźnivacca ad cyrymonij pachavańnia jaho papiarednikaŭ. Francišak ličyŭ cyrymoniju pachavańnia kiraŭnika carkvy «pierahružanaj».
Struktura pachavalnaha abradu zastaniecca kananičnaj i budzie ŭklučać načnoje čuvańnie (ale adno, a nie dva, jak raniej), adpiavańnie i pachavańnie. Ale cieła pantyfika nie buduć vystaŭlać dla šanavańnia viernikami na katafałku i nie budzie pravodzicca cyrymonija zakryćcia truny.
Chavać Papu Rymskaha buduć u prostaj draŭlanaj trunie — Vatykan užo apublikavaŭ fota pamierłaha pantyfika. Raniej u cyrymonii pachavańnia vykarystoŭvałasia patrojnaja truna z kiparysu, śvincu, dubu abo arecha.
Zhodna z zajavaj Śviatoha Pasadu, jakuju apublikavaŭ karespandent National Catholic Reporter u Vatykanie Krystafier Uajt, žałobnuju liturhiju na płoščy Śviatoha Piatra ŭznačalić kardynał Džavani Batysta Re, dekan kalehii kardynałaŭ. Paśla liturhii trunu ź ciełam pantyfika pryniasuć u sabor Śviatoha Piatra, a zatym — u baziliku Santa-Maryja-Madžore dla pachavańnia, jak i prasiŭ Francišak.
Bolšaść pantyfikaŭ apošnich stahodździaŭ byli pachavanyja mienavita ŭ sabory Śviatoha Piatra. Adnak pamierły Papa vyrašyŭ vybrać baziliku Santa-Maryja-Madžore. Svajo rašeńnie Francišak patłumačyŭ tym, što prychodziŭ tudy malicca «ŭ pačatku i ŭ kancy kožnaha Apostalskaha padarožža» (h. zn. vizitaŭ za miažu).
Papa Francišak: łacinaamierykaniec, jaki mianiaŭ kaścioł
Chto budzie nastupnym Papam? Voś chto moža źmianić Franciška
Nakolki ŭpłyvovyja Papa i Katalickaja carkva ŭ śviecie?
Vatykan apublikavaŭ pieršuju fatahrafiju Papy Franciška ŭ trunie
«Z adzinym nadpisam: Franciscus». Vatykan apublikavaŭ zaviaščańnie pamierłaha Papy
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary