Hramadstva44

«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje

24 krasavika Maryi Kaleśnikavaj spoŭniłasia 43 hady. Hety dzień naradžeńnia palitźniavolenaja sustreła ŭ kałonii ŭ Homieli. Siastra Maryi, Taćciana Chomič, raskazała «Radyjo Svaboda» apošnija naviny pra jaje.

Sustreča Kaleśnikavaj z baćkam u kałonii 12 listapada 2024 hoda. Fota sustrečy apublikavaŭ Raman Pratasievič

Pavodle słoŭ Taćciany Chomič, paśla sustrečy palitźniavolenaj z baćkam u listapadzie minułaha hoda siamja daviedałasia, što Maryju Kaleśnikavu pieraviali ŭ 18-y atrad u homielskaj kałonii, dzie ciapier jana znachodzicca siarod inšych źniavolenych žančyn. Pavodle infarmacyi siamji, u atradzie mała abo zusim niama palitviaźniaŭ.

«Heta taki śpiecyfičny atrad, dzie znachodziacca žančyny z bolš surjoznymi parušeńniami», — adznačyła Taćciana Chomič.

Pavodle jaje słoŭ, siamji viadoma, što Maryja, jak i raniej, praciahvaje pracavać na šviejnaj fabrycy. Pieradačy dla jaje pa-raniejšamu nie prymajuć. Taksama siamja nie moža rabić joj hrašovyja pieravody ŭ kałoniju, tamu Maryja nie moža ničoha nabyć u miascovaj kramie, paviedamiła siastra palitźniavolenaj.

Taksama viadoma, što jaje charčavańnie stała krychu lepšym. Taćciana Chomič nahadała, što kali Maryja znachodziłasia ŭ PKT, jana vielmi schudnieła.

Stan zdaroŭja Maryi Kaleśnikavaj, jak adznačaje Taćciana Chomič, pahoršyŭsia, ale pierad sustrečaj z baćkam u listapadzie 2024 hoda joj pačali akazvać miedycynskuju dapamohu i palepšyli charčavańnie, tamu na toj momant jana adčuvała siabie lepš.

«Zaraz my atrymlivajem tolki niejkija abryŭki infarmacyi pra jaje. Što jana ŭ atradzie, što pracuje. Na žal, u nas niama suviazi — ni listavańnia, ni zvankoŭ, ni pieradač, ni sustreč. Heta była adnarazovaja akcyja — sustreča ŭ listapadzie», — raskazała Taćciana Chomič.

Siastra Maryi adznačyła, što ciapier naohuł mała navinŭ pra palitviaźniaŭ, bo rodnyja vielmi bajacca dzialicca infarmacyjaj, što, na jaje dumku, źviazana ź vialikaj kolkaściu zatrymańniaŭ.

Što tyčycca sustrečy Maryi Kaleśnikavaj z baćkam u listapadzie 2024 hoda, to Taćciana Chomič adznačyła, što bolšuju častku sustrečy, jakaja doŭžyłasia kala paŭtary hadziny, Maryja raspytvała baćku pra naviny siamji i blizkich. Jana taksama cikaviłasia tym, što adbyvajecca ŭ Biełarusi i śviecie, i baćka, nakolki moh, joj raskazvaŭ, ale «sustreča adbyvałasia nie sam-nasam». Vyhladała jana krychu schudniełaj, ale «trymałasia vielmi hodna».

Pavodle słoŭ Taćciany Chomič, Maryja viedaje pra mahčymaść napisańnia prašeńnia ab pamiłavańni, ale nie choča kamientavać infarmacyju, jakaja źjaviłasia ŭ ŚMI.

«Ja vielmi spadziajusia, što mahčymaść vyjści na svabodu — navat kali praz prašeńnie ab pamiłavańni — u Maryi źjavicca, i jana joju skarystajecca. Ale, kaniešnie, rašeńnie — za joj», — skazała Taćciana Chomič.

Pa słovach siastry palitźniavolenaj, raniej dni naradžeńnia Maryi Kaleśnikavaj padčas jaje źniavoleńnia adznačali ŭ kole blizkich, ale ciapier Taćciana znachodzicca za miažoj i śviatkuje ź siabrami.

«Ja viedaju, što i tata zvyčajna sustrakajecca z kimści z znajomych, z tymi, chto padtrymlivaje. Raniej heta było bolš masava. Na žal, šmat siabroŭ Maryi źjechali za hety čas. Ja taksama adznačaju hety dzień ź blizkimi siabrami, jakija viedajuć Maryju. Dla mianie heta vielmi važny momant padtrymki, bo hety dzień dla našaj siamji zaŭsiody byŭ śviatam.

My zaŭsiody pravodzili jaho razam — ź siamjoj ci siabrami. Maryja vielmi lubić svoj dzień naradžeńnia, bo heta nahoda sustrecca. Nahadaju, što doŭhi čas jana žyła ŭ Hiermanii, i navat tady pryjazdžała na dzień naradžeńnia, kab być razam ź siamjoj, blizkimi, kalehami. Heta było zaŭsiody viesieła, šmat ludziej, roznych ludziej — sapraŭdy važnaje, dobraje, vielmi śvietłaje śviata dla nas», — uzhadała Taćciana Chomič.

Kamientary4

  • Baradzied
    24.04.2025
    Jeje nachoždienije v tiuŕmie obosnovyvajet sankcii protiv riežima. Jeśli by ona była na svobodie, to osnovanij dla sankcij było by mieńšie. I tohda začiem Sikorskomu prijezžať koho-to odnoho zabirať lično, čtoby sobstviennymi rukami otmieniť nakazanije diktaturie i brosiť vsiech ostalnych?
  • čto za bried
    25.04.2025
    Baradzied, a ničieho, čto kromie nieje jeŝie očień mnoho žienŝin i mužčin v tiuŕmach? Ničieho, čto časti nasielenija zaprietili vyjezd iz strany i lišili vozmožnosti rabotať? Ničieho, čto byvšije politviaźni prodołžajut umirať na tierritorii RB?
  • Janina
    25.04.2025
    Napišycie lepš pra kahości dastojnaha - Sieviarynca ci Daškieviča. Pra rasiejskuju kukłu-ahučvalnicu 3 vyrazaŭ- zadziaŭbali pisać.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić