***
U tumanovym krai
tam, dzie ciače Vialla,
cicha mianie čakaje
Baćkaŭščyna maja.
Tam na piasčanych uzhorkach,
jak dyvany vierasy,
tam u strakatych piorkach
čystyja hałasy.
U staraśvieckim parku
recham błukajuć sny,
staŭ u byłym falvarku
śpić u čakańni viasny.
Nad zaimšełaj krušniaj
chvoi vartujuć cień,
dremle pad dubam viačystym
stomleny ciopły dzień.
Tam — zarapadnyja nočy,
tam — sałaŭi ŭ hajach,
tam pamirać nie choča
Baćkaŭščyna maja.
Kamientary