Videa, u jakim kiraŭnik Kryčava prasiŭ žycharoŭ achviaravać na prypynki, vydalili paśla rezanansu
Kraŭdfandynh miascovaha vykankama ludzi nie acanili.
Kiraŭnik Kryčaŭskaha rajvykankama Alaksiej Šaraj paprasiŭ miascovych žycharoŭ zadanacić na ŭstalavańnie novych prypynkaŭ. Videa dva dni tamu apublikavała miascovaja rajonka, i reakcyja na jaho była, miakka kažučy, nieadnaznačnaja.
Ludzi ŭ kamientarach cikavilisia, kudy padzielisia biudžetnyja hrošy, i čamu žychary, jakija i tak płaciać padatki, pavinny skidacca na prypynki sa svaich hrošaj.
Siońnia rolik sa zvarotam Šaraja raptoŭna źnik ź ciktoka i telehram-kanała vydańnia. Nieŭzabavie paśla taho, jak pra jaho napisali niezaležnyja ŚMI.
Šaraj uznačaliŭ rajvykankam u sakaviku. Z taho času jon zapisaŭ niekalki takich videazvarotaŭ da miascovych žycharoŭ. U adnym ź niadaŭnich rolikaŭ jon, naprykład, prasiŭ ludziej pakasić travu na ŭčastkach pad pahrozaj administratyŭki.
U inšym videa Šaraj, naadvarot, supakojvaŭ kryčaŭčan. Pa jahonych słovach, haradžanie raptam stali abmiarkoŭvać admienu «Dažynak». Ale čynoŭnik zapeŭniŭ, što śviata admianiać nichto nie źbirajecca.
«Adkazvaju z poŭnaj upeŭnienaściu i kampietencyjaj: «Dažynki» buduć, i razmovy ab tym, kab ich admianić, nie viałosia», — skazaŭ Šaraj.
Jašče jon u śpiecyjalnych videazvarotach zaklikaŭ ludziej prybirać vulicy i vysadžvać kvietki, kab akulturyć horad da śviata.
-
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
-
«Čarnahoryja nikomu nie choča davać prytułku». Biełaruska raskazała pra pieravahi i składanaści žyćcia ŭ hetaj krainie
-
Novanabyty Airbus «Biełavija» vykanaŭ pieršy rejs
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary