Cichanoŭskaja: Rasijskaja apazicyja pavinna dystancyjavacca ad impieryjalistyčnaha naratyvu
U razmovie z hałandskim vydańniem RAAM Śviatłana Cichanoŭskaja razvažała pra tendencyju zbližeńnia ZŠA i Rasii, rolu Łukašenki ŭ hetym kantekście, prablematyčnyja momanty ŭ rasijskaj apazicyi i toje, što matyvuje biełarusaŭ praciahvać zmahańnie.
Voś niekalki zajavaŭ z razmovy:
Raźjadnańnie ES i ZŠA — zbroja dla Łukašenki
«NATA — važny instrumient u baraćbie z dyktaturami. Dyktatury nie lubiać ničoha bolš za pryncyp «padzialaj i panuj». Jak tolki jany bačać roznahałośsi, to imknucca imi skarystacca. Łukašenka taksama sprabuje hulać na hetym — jon robić heta ŭžo bolš za 30 hadoŭ. Jaho cikavić tolki vyžyvańnie ŭłasnaha režymu».
Pahroza dla Jeŭropy ad vučeńniaŭ «Zachad-2025»
«Mianie tryvožać hetyja vučeńni. Ź ich dapamohaj Rasija choča nacisnuć na NATA, padać palityčny sihnał. Heta jašče raz dakazvaje: Biełaruś i stabilnaść u Jeŭropie nielha razhladać asobna. Bieź Biełarusi Rasija nie zmoža zachapić Ukrainu ci napaści na krainy Bałtyi. I mienavita heta my sprabujem danieści da našych partnioraŭ na Zachadzie».
Što praciahvaje natchniać u ciažkija chviliny?
«Ja nie maju maralnaha prava skazać: «Ja spyniajusia», bo ŭ nas bolš za tysiaču palitviaźniaŭ, jakija achviaravali svajoj svabodaj. Viadoma, byvajuć momanty, kali ja adčuvaju rasčaravańnie. Ale adzinstva biełarusaŭ praciahvaje mianie natchniać. My tak šmat dasiahnuli! Šmat chto na Zachadzie bolš nie ličyć nas prydatkam Rasii, my navat viadziom stratehičny dyjałoh z Złučanymi Štatami, Kanadaj i Vialikabrytanijaj. Šmat krainaŭ admaŭlajucca pryznavać Łukašenku. Heta ŭžo pieramoha».
Impieryjalistyčny naratyŭ u rasijskaj apazicyi
«Kantakty z rasijskaj apazicyjaj jość, ale jany nie źjaŭlajucca strukturnymi. My pieraśledujem adny i tyja ž mety, i ja dumaju, što bolšaść čalcoŭ rasijskaj apazicyi vystupajuć suprać vajny va Ukrainie. My chočam, kab rasijskija apazicyjnyja siły dystancyjavalisia ad impieryjalistyčnaha rasijskaha naratyvu i šanavali svaich susiedziaŭ».
-
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańni syna
-
Ministr Markaŭ zajaviŭ, što treba zmahacca z tymi, chto kaža pra ŭščamleńnie ruskaj ci biełaruskaj movy
-
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak
Ciapier čytajuć
Što ŭ realnaści adbyłosia pad Smalavičami? Voś samaja łahičnaja pryčyna nalotu ašalełych rasijskich małaletak3
Kamientary