Va Ukrainie 10-hadovy chłopčyk zhvałciŭ svaju 7-hadovuju siabroŭku, tamu što chacieŭ paŭtaryć «darosły film»
Šakujučaja historyja adbyłasia na Charkaŭščynie. Dzieci daŭno siabrujuć, razam hulajuć i žyvuć na adnoj vulicy. Darosłyja daviedalisia pra heta tolki tamu, što jon pierasłaŭ videa siabru. A tam videa ŭbačyła maci i adrazu pajšła ŭ słužbu pa spravach dziaciej. Pra zdareńnie raspavioŭ načalnik Śledčaha ŭpraŭleńnia Nacyjanalnaj palicyi ŭ Charkaŭskaj vobłaści Siarhiej Bołvinaŭ.
«Chłopčyku dziesiać, dziaŭčyncy siem, i, kab raspavieści hetuju historyju, vielmi ciažka padabrać słovy», — piša Bołvinaŭ.
«Jon jaje zapałochaŭ i prymusiŭ — tak havoryć dziaŭčyna, paćviardžaje heta jaje starejšy brat, jamu dzieviać. Faktyčna jana nie razumieła sensu ŭsich dziejańniaŭ, jakija adbyvalisia. Dzieci daŭno siabrujuć, razam hulajuć, žyvuć na adnoj vulicy. Videa ź ich «hulniami» trapiła da darosłych tolki tamu što chłopiec pierasłaŭ jaho siabru — padletku. A tam vypadkova ŭbačyła maci i adrazu pajšła ŭ słužbu pa spravach dziaciej», — piša Bołvinaŭ.
Mienavita adtul palicyja i atrymała sihnał ab seksualnym hvałcie ŭ dačynieńni da małaletniaj.
Chłopiec žyvie z mamaj i babulaj. Ich siamja staić na ŭliku jak siamja ŭ składanych žyćciovych abstavinach. Chłopčyk taksama staić na ŭliku ŭ sacsłužbie. Maci, pry hetym, pracuje asistentam nastaŭnika pačatkovych kłasaŭ. U adpaviednaści z charaktarystykaj ź miesca pracy «viedaje asnovy dziciačaj psichałohii i piedahohiki».
Jaje syn siabravaŭ sa starejšymi chłopcami. Jany i pakazali piacihadovamu tady jašče chłopčyku videa dla darosłych. Paśla taho toj «hladzieŭ časta, tamu što było cikava». A potym uklučyŭ takoje videa ź internetu siabroŭcy i prapanavaŭ paŭtaryć.
Pieršy raz heta było minułym letam, tady jana admoviłasia, a jon jaje źbiŭ. Hetaj ža viasnoj, kali dzieci byli adny doma ŭ chłopca, jon skazaŭ dziaŭčyncy źniać štany, lehčy na łožak, a sam uklučyŭ telefon. Dziaŭčynka kaža, što pahadziłasia, bo bajałasia.
Mama dziaŭčynki ciapier u dekrecie, akramia dački, u jaje jość jašče troje synoŭ. Baćka aficyjna nidzie nie pracuje. Ich siamja staić na ŭliku jak jakaja apynułasia ŭ składanych žyćciovych abstavinach. Baćki daviedalisia pra ŭsio, što adbyłosia, tolki kali ŭbačyli videa.
Baćkam važna rabić tak, kab dzieci im daviarali.
Važna: źviartać uvahu na źmieny ŭ pavodzinach dziciaci. Kali jano rezka stała zamknionym, admoviłasia ad špacyraŭ ź dziećmi abo paźbiahaje znosin z kankretnaj asobaj ź siamiejnaha kruha, — heta moža być tryvožnym zvankom.
Treba cikavicca tym, što mienavita prahladaje dzicia ŭ internecie, z kim maje znosiny anłajn.
Nieabchodna adkryta i prama raskazać dziciaci ab realnych pahrozach, jakija niasuć drennyja kampanii, sumnieŭnyja virtualnyja siabry i novyja znajomyja.
Važna paabiacać dziciaci svaju padtrymku i razumieńnie zamiest pakarańnia ŭ składanaj situacyi.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ1
Kamientary