Pry prachodžańni pamiežnaha kantrolu na pierachodzie «Bieniakoni» ŭ adnaho z pasažyraŭ aŭtobusa, hramadzianina Łatvijskaj Respubliki, supracoŭniki vyjavili pryładu dla vypareńnia kurylnych vadkaściaŭ, jakaja vyklikała padazreńni ŭ zakonnaści jaje pieramiaščeńnia, paviedamlaje Dziaržkamitet sudovych ekśpiertyz.
Elektronnuju cyharetu kanfiskavali i nakiravali va ŭpraŭleńnie Dziaržaŭnaha kamiteta sudovych ekśpiertyz pa Hrodzienskaj vobłaści dla praviadzieńnia sudovaj ekśpiertyzy narkatyčnych srodkaŭ, psichatropnych rečyvaŭ, ich anałahaŭ i prekursoraŭ.
Sudovyja ekśpierty ŭstanavili, što maślanistaja vadkaść, jakaja znachodziłasia ŭnutry kartrydža pryłady dla kureńnia, źjaŭlajecca niebiaśpiečnym narkatyčnym srodkam — masłam kanabisu (hašyšnym masłam).
Zhodna ź biełaruskimi praviłami, hašyšnaje masła źjaŭlajecca niebiaśpiečnym narkatyčnym srodkam, što nie vykarystoŭvajecca ŭ miedycynskich metach.
Mužčyna patłumačyŭ, što nabyŭ cyharetu dla asabistaha karystańnia ŭ adnym z mahazinaŭ Ryhi, dzie takija pryłady realizujucca biez abmiežavańniaŭ.
Voranaŭskim RAUS pravodzicca pravierka.
Kamientary