Siamidzionnaje łasianiatka adstała ad mamy łasichi i prybiłasia da statka karoŭ u Pastaŭskim rajonie
Maleńkaje łasiania, jakoje prybiłasia da statka karoŭ u Pastaŭskim rajonie, pieradali śpiecyjalistam centra dapamohi ptuškam i žyviołam «Pustalha».
U kamitecie pa pryrodnych resursach raskazali Kraj.by: «Uzrost žyvioły nie pieravyšaŭ siami dzion. Pakolki była vialikaja vierahodnaść, što maci łasianiatka vierniecca, pastucham było dadziena ŭkazańnie nie dakranacca da žyvioły rukami. Ale prajšło niekalki dzion, a łasicha tak i nie źjaviłasia. Maleńkaje dzicia zastałosia adno siarod statka karoŭ, i ŭźnikła pahroza jaho hibieli ad źniasileńnia».
30 krasavika kamisija pryniała rašeńnie pieradać łasiania Centra dapamohi ptuškam i žyviołam «Pustalha», raźmieščanaj u vioscy Łasi Maładziečanskaha rajona. Na dapamohu ŭ dastaŭcy žyvioły adhuknulisia vałanciory, jakija apieratyŭna prybyli ŭ Pastavy, dzie im i było pieradadziena łasiania. Praź dźvie hadziny žyvioła była dastaŭlena da miesca budučaha časovaha znachodžańnia.
Udzielniki vyratavalnaj apieracyi vykazvajuć nadzieju, što žyviolinie tam budzie dobra, jana akryjaje i ź ciaham času budzie adpuščana ŭ navakolnaje asiarodździe.
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim23
Kamientary