Vajskova-pavietranyja siły Indyi pryviedzieny ŭ stan pavyšanaj bajavoj hatoŭnaści na miažy z Pakistanam, piša hazieta The Times of India.
Pakistan u paniadziełak ažyćciaviŭ paśpiachovy vučebna-bajavy pusk rakiety kłasa «ziamla-ziamla» sieryi Fatach z dalokaściu palotu 120 km.
«Meta zapusku — zabieśpiačeńnie bajavoj hatoŭnaści vojskaŭ i pravierka asnoŭnych techničnych paramietraŭ zbroi, u tym liku pieradavoj navihacyjnaj sistemy rakiety i jaje pavyšanaj dakładnaści», — havorycca ŭ zajavie ŭzbrojenych sił Pakistana.
23 krasavika 26 čałaviek zahinuli ŭ vyniku ŭzbrojenaha napadu bajevikoŭ na turystaŭ u horadzie Pachałham, raźmieščanym u indyjskim Kašmiry, što stała najbujniejšaj atakaj na mirnych žycharoŭ u rehijonie za apošnija hady.
Niekalki dzion tamu ministr abarony Pakistana Chavadža Muchamad Asif zajaviŭ, što vajennaje ŭvarvańnie Indyi źjaŭlajecca amal niepaźbiežnym, što jašče bolš abvastraje napružańnie pamiž dźviuma jadziernymi dziaržavami, a ministr infarmacyi Pakistana ŭ minułuju sieradu prahnazavaŭ napad ciaham 24-36 hadzin.
«Niekatorym ludziam varta źniać ružovyja akulary». Lavončyk — pra Mielnikavu, uciečku ŭ «Bajchełp», biełyja palito i hrošy na 1300 palitviaźniaŭ10
Kamientary