«Ja — piechaciniec». Kadyraŭ zajaviŭ, što jahonyja słovy pra adstaŭku nie tak zrazumieli
Kaža, što jahony los zaležyć ad Uładzimira Pucina.
Kiraŭnik Čačni Ramzan Kadyraŭ zajaviŭ, što jahonyja słovy ab adstaŭcy niapravilna zrazumieli.
Kadyraŭ napisaŭ u telehramie, što jahony los zaležyć ad rašeńnia Uładzimira Pucina.
«Mnohija nie zrazumieli sens maich słoŭ ab adstaŭcy. Ja nie vyrašaju, budu ja zastavacca na pasadzie kiraŭnika Čačenskaj respubliki ci nie.
Tak, ja mahu prasić abo prapanoŭvać. Ale jak by ja ni kazaŭ, jak by ni prasiŭ, takoje rašeńnie prymaje tolki adzin čałaviek — naš Viarchoŭny hałoŭnakamandujučy, prezident Rasii Uładzimir Uładzimiravič Pucin», — napisaŭ Kadyraŭ.
Jon dadaŭ, što źjaŭlajecca «piechacincam i kamandnym čałaviekam» i vykonvaje zahady.
Kadyraŭ 5 maja adkazaŭ na pytańnie padkantrolnaha ŭładam Čačni infarmacyjnaha ahienctva «Čačnia siońnia» adnosna čutak pra jahonuju adstaŭku.
«Ja taksama čuŭ hetyja čutki. Pišuć roznaje. Ja, naadvarot, sam prašu, kab mianie vyzvalili ad pasady. U inšaha buduć svaje inicyjatyvy, svajo bačańnie. Spadziajusia, što maju prośbu padtrymajuć», — skazaŭ Kadyraŭ.
Pry hetym žurnalisty adznačyli, što jon rehularna havoryć pra adstaŭku apošnija dziesiać hadoŭ.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy4
Kamientary