U adnoj ź minskich kram zaŭvažyli čarhu pa šakaładnyja jajki-kindarami z cackaj pa 1,5 rubla. Žurnalist vydańnia Telegraf.news pahladzieŭ, kolki ciapier kaštuje hety tavar u internet-kramach.
Kindary pa 1,5 rubla prapanavali va ŭniviersamie «Centralny». U pryvatnaści, z takoj źnižkaj pradajuć šakaładnaje jajka Kinder Joy z cackaj (20 hramaŭ).
«Pišuć, što kindara ŭ zasiekach šmat!» — paviedamiŭ błohier Kakabaj.
«I za siabie, i za inšych skuplajuć. Małajcy», — prakamientavała storys pra hetuju čarhu ŭ instahram-akaŭncie Kakabaja adna karystalnica.
Dla paraŭnańnia: u internet-kramie Edostavka 20-hramovaje jajka Kinder Joy pradajuć za 7,52 rubla. Heta značyć, u «Centralnym» pradajuć u piać razoŭ tańniej.
U internet-kramie sietki Green hety ž tavar kaštuje krychu tańniej — 6,28 rubla. Ale ŭsio adno heta ŭ čatyry razy daražej, čym va ŭniviersamie «Centralny» ciapier.
A ŭ internet-kramie «Hipa» za Kinder Joy paprasili 5,68 rubla.
Čamu hetym razam u kramie źnizili canu na kindary, pakul nieviadoma. Adnak možna mierkavać, što pryčyna moža być takaja samaja, jak padčas padobnaha rasprodažu ŭ sakaviku. Tady jajki-kindary pradavali za 1 rubiel. I nieŭzabavie vyjaviłasia, što reč u chutkim zakančeńni terminu prydatnaści jajek — 29 sakavika. Tamu ich i raspradavali jak maha chutčej.
Kindar-siurpryzy, jakija pradajucca ŭ Biełarusi, zroblenyja ŭ Rasii.
Praz sankcyi suprać Biełarusi i Rasii ŭ 2022 hodzie mnohija zachodnija kampanii syšli z rynku abo abmiežavali pastaŭki. Adnak Ferrero, jakaja vyrablaje šakaładnyja jajki, praciahvaje pracu ŭ Rasii, tamu pradukcyja z tych zavodaŭ pastaŭlajecca i ŭ Biełaruś.
Kamientary