Novy ministr zamiežnych spraŭ Hiermanii płanuje pavialičyć biaśpieku ŭ Bałtyjskim rehijonie
Novy hłava MZS Hiermanii Jochan Vadeful ŭ intervju NOZ vykazaŭsia ab svaich pracoŭnych płanach na hetaj pasadzie, paviedamlaje Deutsche Welle.
«»Ja liču <…>, što ŭsiamu Bałtyjskamu rehijonu da hetaha času nadavałasia zanadta mała ŭvahi z boku hramadskaści, i na praciahu svajho terminu paŭnamoctvaŭ ja chacieŭ by pryciahnuć da jaho bolš uvahi», — skazaŭ palityk.
Vadeful taksama zhadaŭ pra paškodžańnie kabielaŭ suviazi pamiž krainami Bałtyi i Skandynavii, vydaleńnie pamiežnych bujaŭ na rasijska-estonskaj miažy, parušeńnie pavietranaj prastory krain ES i NATA i pavodziny Vajskova-marskoha fłotu Rasii.
«Takim čynam, vidavočna, što my žyviom u zonie ryzyki», — skazaŭ ministr.
U tym ža intervju Vadeful skazaŭ, što va Ukrainy jość pierśpiektyva ŭstupleńnia i ŭ ES, i ŭ NATA.
«U NATA my supolna damovilisia, što Ukraina znachodzicca na šlachu da ŭstupleńnia ŭ abaronny aljans i hety šlach niezvarotny», — padkreśliŭ jon.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ125
Kamientary