ZŠA ŭchvalili pieradaču Hiermanijaj Ukrainie 125 rakiet dla RSZA vialikaj dalokaści (dla sistem MARS II, M142 HIMARS i h.d.) i 100 rakiet-pierachopnikaŭ Patriot, piša The New York Times sa spasyłkaj na pradstaŭnika Kanhresa.
Heta krytyčna nieabchodnaje Ukrainie ŭzbrajeńnie vyrablajecca ŭ ZŠA i nie moža być ekspartavana, navat kali im vałodaje inšaja kraina, biez dazvołu ŭrada ZŠA.
Hiermanija niadaŭna pieradała Ukrainie bolš za 60 braniravanych mašyn, kala 50 tysiač artyleryjskich snaradaŭ i bojeprypasy dla SPA, u pryvatnaści pierachopnik IRIS-T, zdolny źbivać kryłatyja rakiety. Niekatoryja bieśpiłotniki, nabytyja Vialikabrytanijaj i Narviehijaj u minułym miesiacy ŭ ramkach pakieta mier biaśpieki na sumu 600 miljonaŭ dołaraŭ, užo taksama prybyli va Ukrainu. Jašče 10 tysiač artyleryjskich snaradaŭ pieradała Estonija.
U toj ža čas značnaja častka jeŭrapiejskaj vajskovaj dapamohi, abiacanaj u minułym miesiacy ŭ štab-kvatery NATA, na hety momant zvodzicca da abaviazacielstvaŭ pa vytvorčaści abo zakupcy zbroi ŭ najbližejšyja hady, a nie nieadkładna.
Choć Donald Tramp u apošnija dni demanstruje bolš padtrymki Ukrainy, u pryvatnaści pahražaje Rasii sankcyjami, kali jana nie pahodzicca na doŭhaje spynieńnie ahniu, jaho strymanaje staŭleńnie da abarony z boku ZŠA Jeŭropy padachvočvaje sajuznyja krainy pieraasensavać ułasnuju biaśpieku. Nieabchodnaść zasiarodzicca na ŭłasnaj abaronie pamianšaje mahčymaści jeŭrapiejskich krain dla vajskovaj padtrymki Ukrainy.
Raniej The New York Times paviedamlała, što da leta adnu staruju sistemu Patriot adpraviać va Ukrainu ź Izraila, a jašče adnu mohuć pastavić z Hiermanii ci Hrecyi. Pry hetym čynoŭniki admaŭlajucca kamientavać, jak Donald Tramp stavicca da hetaha rašeńnia i jakaja administracyja jaho prymała.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki37
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary