Prezident Ukrainy Uładzimir Zialenski pravioŭ pieršuju telefonnuju razmovu z novym Papam Lvom XIV. Pra heta paviedamiŭ u paniadziełak sam Zialenski.
Pavodle jaho słoŭ, abmiarkoŭvałasia tema spynieńnia ahniu va Ukrainie, vyzvaleńnia pałonnych i viartańnia ŭkrainskich dziaciej. Zialenski taksama zaprasiŭ pantyfika naviedać Ukrainu.
«Heta była naša pieršaja razmova, ale ŭžo vielmi ciopłaja i sapraŭdy pradmietnaja», — napisaŭ Zialenski. Jon adznačyŭ, što cenić słovy Lva XIV «pra nieabchodnaść dasiahnieńnia spraviadlivaha i tryvałaha miru dla našaj krainy i vyzvaleńnia pałonnych».
U razmovie z Papam Zialenski paćvierdziŭ hatoŭnaść Ukrainy da pieramovaŭ «u lubym farmacie, u pryvatnaści da pramych pieramovaŭ» z Rasijaj, a taksama paviedamiŭ, što z 12 maja Ukraina i jaje partniory padtrymali poŭnaje spynieńnie ahniu na 30 dzion — na što Rasija nie pahadziłasia.
Zialenski paśla rasijskaha ŭvarvańnia va Ukrainu nieadnarazova razmaŭlaŭ z papam Franciškam, vysoka aceńvaŭ jaho humanitarnyja namahańni i słovy ŭ padtrymku Ukrainy. U toj ža čas va Ukrainie Francišku davodziłasia čuć i krytyku z-za taho, što jon naŭprost nie nazyvaŭ Rasiju ahresaram i nie krytykavaŭ rasijskaje kiraŭnictva, nahadvaje rasijskaja słužba Radyjo Svaboda.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili10
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu2424
Kamientary