U DTZ vinavatym pryznali viełasipiedysta? Raźviazka zdareńnia ŭ Minsku
DTZ na vulicy Starynaŭskaj u Minsku adbyłosia 28 sakavika. U im udzielničali kiroŭca aŭtamabila Haval, jaki vyjazdžaŭ z parkovačnaj placoŭki, i viełasipiedyst, što ruchaŭsia pa chodnikach i pierasiakaŭ mienavita toj vyjezd. Pieršapačatkovyja źviestki havaryli nie na karyść aŭtamabilista, adnak raźviazka akazałasia niečakanaj, piša Onliner.by.
Nahadajem, jakim było pieršapačatkovaje paviedamleńnie DAI Minska: «Pavodle papiaredniaj infarmacyi, kala 10:50 44-hadovy kiroŭca aŭtamabila Haval, ruchajučysia pa prylehłaj terytoryi budynka №51 pa vulicy Nikifarava, pry vyjeździe na vulicu Starynaŭskuju nie daŭ pieravahu i ździejśniŭ najezd na viełasipiedysta, jaki pierasiakaŭ prajeznuju častku pa nierehulavanym piešachodnym pierachodzie. Paśla ahladu bryhadaj chutkaj miedycynskaj dapamohi viełasipiedyst byŭ adpuščany dadomu».
Hety vypadak žurnalisty raźbirali razam ź Juryjem Krasnovym, vykładčykam i instruktaram pa vadžeńni. Pytańni tady ŭźnikli da abodvuch udzielnikaŭ zdareńnia.
A niadaŭna z karespandentam Onlíner źviazaŭsia čytač, jaki śćviardžaje, što znachodziŭsia za rulom Haval u momant hetaha DTZ. Pavodle jaho słoŭ, u vyniku pravierki DAI pryznała jaho nievinavatym u DTZ, vydała adpaviednuju daviedku, a administracyjny materyjał zaviali na viełasipiedysta.
— Byŭ apublikavany zapis tolki z adnoj videakamiery, a była i inšaja. I voś na druhim videa dobra bačna, što viełasipiedyst jechaŭ chutka. A tam vyjezd z parkoŭki kramy, i ŭ toj momant, kali ja pavaročvaŭ, tam byŭ pryparkavany aŭtamabil, jaki zakryvaŭ ahlad. Ale ŭ mianie ŭ poli zroku byŭ piešachodny pierachod i kavałak tratuara: ja pahladzieŭ naprava — nikoha, pahladzieŭ naleva — taksama nikoha. Pavaročvaju znoŭ — i tam užo hety viełasipiedyst. U toj momant ja ŭžo faktyčna znachodziŭsia na pierachodzie, adrazu ž zatarmaziŭ, — raskazaŭ surazmoŭca.
Pavodle jaho słoŭ, ad udara ŭ aŭtamabila adskočyŭ bampier, zastalisia drapiny na ŁKP. Pakolki vadziciela pryznali nievinavatym, jon maje prava raźličvać na kampiensacyju škody.
— Strachoŭka nie budzie mnie ničoha vypłočvać, tamu ja źbirajusia pajechać da viełasipiedysta i prapanavać jamu vybrać lubuju dyjahnastyčnuju stancyju dla acenki škody. I pa vynikach hetaj acenki budu patrabavać kampiensacyju, kali spatrebicca, u sudovym paradku, — dadaŭ čytač.
Ciapier čytajuć
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca10
Kamientary