Aŭto2525

Ci vyhadna mieć elektramabil u Biełarusi? Raspytali ŭłaśnikaŭ

Pahutaryli z ułaśnikami elektramabilaŭ i paraŭnali ich vydatki na 100 km prabiehu z aŭto na salarcy i mietanie.

Ilustracyjny zdymak. Fota: «Naša Niva»

Volvo xc40

Ułaśnik šviedskaha elektramabila Volvo xc40 žyvie ŭ pryvatnym domie, tamu zaradžaje jaho ad chatniaj razietki pa 0,2969 rubla za kVt·hadzinu.

Pavodle słoŭ aŭtamabilista, kali na vulicy bolš za 15 hradusaŭ, 100 kiłamietraŭ prabiehu ŭ źmiašanym režymie abychodziacca jamu ŭ 7 rubloŭ 30 kapiejek. Zimoj u zaležnaści ad tempieratury cana 100 km prabiehu składaje ŭžo kala 10 rubloŭ.

Kali zaradžać parkietnik na hramadskich zaradnych stancyjach, košt 100 kiłamietraŭ prabiehu vyrastaje ŭ dva razy: da 15 rubloŭ pry zaradcy na chutkaj stancyi (pa 0,61 rubla za kVt·h) abo da 11,3 rubla, kali karystacca pavolnymi stancyjami padzaradki z taryfam 0,46 rubla za kVt·h.

U chałodny pieryjad, adpaviedna, heta budzie ŭžo ad 15 da 20 rubloŭ za 100 km prabiehu.

Adnak ułaśnik elektramabila śćviardžaje, što elektrakar — heta nie pra ekanomiju, a pra novyja ŭražańni i technałohii.

Pakupkaj elektramabila jon zadavoleny, choć u siamji jość jašče adno aŭto — bienzinavaje, jakoje vykarystoŭvajecca dla dalnich pajezdak.

Ilustracyjny zdymak. Fota: Getty Images

BMW i3

Ułaśnica elektryčnaj BMW i3 kaža, što jaje mašyna spažyvaje ad 15 da 25 kVt·h na 100 kiłamietraŭ — u zaležnaści ad tempieratury i stylu jazdy.

Dziaŭčyna zaradžaje aŭtamabil na hramadskich zaradnych stancyjach, bo žyvie ŭ kvatery. Pa mahčymaści vybiraje chutkija zaradki (pa 0,61 rubla za kVt·h), tamu 100 kiłamietraŭ prabiehu joj abychodziacca ŭ 9—15 rubloŭ.

Cučasnyja dyzielnyja aŭto padobnaha pamieru źjadajuć pa 4-5 litraŭ dyzielu na 100 km pa trasie (10-13 rubloŭ) i 6-7 litraŭ pa horadzie (15-18 rubloŭ). 

Voyah Free

Jašče adzin surazmoŭca jeździć na Voyah Free. U adroźnieńnie ad vyšejzhadanych elektramabilaŭ Voyah maje ŭ dadatak 1,5-litrovy bienzinavy ruchavik i źjaŭlajecca paśladoŭnym hibrydam, bo koły pryvodziacca ŭ ruch vyklučna elektraruchavikom.

Bienzinavy ruchavik tut vykonvaje rolu hienieratara, jaki zaradžaje batareju.

Pavodle słoŭ ułaśnika, vyklučna na batarei mašyna moža prajechać kala 140 kiłamietraŭ u ciopły pieryjad i kala 100 kiłamietraŭ zimoj.

Voyah Free. Ilustracyjny zdymak. Fota: «Naša Niva»

Pa padlikach mužčyny, u siarednim jaho aŭto spažyvaje kala 28 kVt·h na 100 kiłamietraŭ. Pakolki jon žyvie ŭ kvatery, to zaradžajecca na hramadskich zaradnych stancyjach. Na chutkaj zaradcy atrymlivajecca kala 17 rubloŭ za 100 km, na pavolnaj — 13 rubloŭ za sotniu.

Aŭtamabilist pryznajecca, što nie zaŭsiody znachodzić čas na zaradku, tamu časta jeździć pa horadzie vyklučna dziakujučy bienzinavamu ruchaviku-hienierataru.

Pakolki zapas chodu ŭ Voyah Free biez padzaradki nievialiki, na vialikich adlehłaściach amal uvieś čas pracuje bienzinavy ruchavik. U vyniku siaredni raschod paliva pa trasie składaje 9 litraŭ na 100 kiłamietraŭ, a heta ŭžo 23,4 rubla za sotniu. 

Vynikaje, što ekanomija na palivie ŭ vypadku z elektramabilami ci paśladoŭnymi hibrydami nie takaja ŭžo vialikaja, kali davodzicca zaradžać mašynu na hramadskich zaradkach, a nie ad chatniaj razietki.

Dla paraŭnańnia, dyzielnaja Volvo xc 90 z 2-litrovym ruchavikom spažyvaje pa trasie ŭ rajonie 7-7,5 litra dyzielu, što ŭ vyniku vylivajecca ŭ 18-20 rubloŭ na 100 km prabiehu.

Aŭto na mietanie bolš ekanamičnyja?

A kali paraŭnoŭvać z mašynami, što pracujuć na mietanie, to ekanomija na palivie ŭ elektramabilaŭ amal źnikaje.

Naprykład, 100 kiłamietraŭ u źmiašanym režymie na mikralitražcy VW Up ź litrovym ruchavikom, jakaja pa zavodskich charaktarystykach pracuje nie tolki na bienzinie, ale i na mietanie, abychodziacca ŭ 5—5,5 rubla.

A 100 kiłamietraŭ na Seat Leon z ruchavikom 1,4 litra kaštujuć 5 rubloŭ pry jaździe pa trasie i 6,5—7 rubloŭ u haradskich umovach.

Takim čynam, mietanavyja aŭtamabili z punktu hledžańnia raschodaŭ na paliva vyhladajuć bolš vyhadna, čym elektramabili. Pry hetym jany jašče i davoli ekałahičnyja.

Karta aŭtazapravačnych stancyj, na jakich možna zapravić aŭto mietanam. Fota: skrynšot z sajta btg.by

Badaj adziny minus aŭto na mietanie — kolkaść zapravačnych stancyj. Pa ŭsioj krainie ich usiaho 27: čatyry znachodziacca ŭ Minsku, pa dźvie — u kožnym abłasnym centry, akramia Viciebska, dzie mietanavaja zapraŭka tolki adna. Tamu tym, chto žyvie ŭ takich haradach, jak Połack ci Navapołack, pra ekanomiju na palivie zastajecca tolki maryć.

Kamientary25

  • Nie, nie tak
    26.05.2025
    hałapierydoł , jak ja pamiataju, bolšaść čytačoŭ NN žyvie ŭsio ž na Radzimie. Infa ŭ rublach pavinna być. Ale kali ŭ dužkach pryvodzili b ličby ŭ narmalnaj valucie, było b fajna (dla tych, chto žyvie ŭ zamiežžy). Jašče była b dobraj dadatkovaja infa, na jakim taryfie siadziać tyja, chto žyvie ŭva ŭłasnym domie (tam vialikija roźnicy ŭ koštach elektryčnaści).
  • Tupoj piar
    26.05.2025
    Intieriesno posmotrieť, čto vypłačivajet strachovaja po raźmieru vrieda i čto stojat začasti, kotoryje viezut po "dalniej duhie" v obchod vsiech sankcij))
  • Čytač
    26.05.2025
    BYD spažyvaje mienš: kala 15 kV*h na 100 km letam i kala 20 kVt*h zimoj u źmiašanym cykle horad-trasa (dzie možna jechać 120 - jedu 120, nie ekanomlu). Heta 9-12 rubloŭ (3-4 dalary) pa 0,61 BYN za kVt*h, abo ŭdvaja mienš ad svajoj razietki. Batarei chapaje na 300-400 km u zaležnaści ad tempieratury, tamu dadatkovaje aŭto na ruchaviku ŭnutranaha zharańnia dla pajezdak pa Biełarusi nie patrebnaje.
    Nie dziva, što mašyn na zialonych numarach usio bolej i bolej. Asabliva kidajucca ŭ vočy taksi.

Ciapier čytajuć

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie

Usie naviny →
Usie naviny

Zatrymańni ŭ 2020-m, aryšt u 2024-m, emihracyja ŭ 2025-m. Historyja 21-hadovaha biełaruskaha «terarysta»2

Z ptuškafabryki pad Hrodnam prapała 400 jajek kački. Pryčym jajkamany navat sačyli, jak vyłuplivajucca kačaniaty2

Ukraina paviedamiła pra hibiel u Rasii bolš za 200 vajennapałonnych2

U spravie «Trajpła» źjaviŭsia novy pavarot

Jak biełaruskaja kampanija pastaŭlaje ŭ Rasiju brendavaje adzieńnie ŭ abychod sankcyj i ŭ škodu dziaržbiudžetu5

«Ščaślivy z maimi novymi siabrami». Na škłozavodzie «Nioman» u Biarozaŭcy ŭžo niekalki hadoŭ pracuje jehipcianin14

Rasijanina zatrymali ŭ minskim aeraporcie za sprobu vyvieźci skradzienuju piać hadoŭ tamu dačku

Minčanka pastaviła doma kamiery, kab nazirać za stareńkaj maci, i raskryła złačynstva3

Jak biełarusam za miažoj skasavać šlub, nie viartajučysia na radzimu? Spytali ŭ jurystki2

bolš čytanych navin
bolš łajkanych navin

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie

Hałoŭnaje
Usie naviny →

Zaŭvaha:

 

 

 

 

Zakryć Paviedamić