Kramloŭskaja mietadyčka ŭžo nastrojvaje prapahandystaŭ, jak treba pisać pra pravał pieramoŭ u Stambule
Kramloŭskija prapahandysty atrymali čarhovuju instrukcyju-mietadyčku pra toje, jak pisać pra pieramovy, što prachodziać 15 maja ŭ Stambule, daviedałasia «Mieduza». Pavodle hetaj instrukcyi, prezident Rasii Uładzimir Pucin navat nie źbiraŭsia sam jechać na hetyja pieramovy, a ŭ Kramli całkam razumiejuć, što vyniki mohuć być niepryjemnymi — naprykład, novyja sankcyi.
U mietadyčcy tłumačycca, čamu ŭ pieramovach udzielničaje pamočnik Pucina Uładzimir Miadzinski — nibyta tamu, što jon užo kiravaŭ rasijskaj delehacyjaj u Stambule ŭ 2022 hodzie. Pry hetym padkreślivajecca, što Pucin samastojna sfarmiravaŭ delehacyju, nie źviartajučy ŭvahi ni na słovy prezidenta ZŠA Donalda Trampa, ni na prapanovy prezidenta Ukrainy Uładzimira Zialenskaha.
U mietadyčcy niama infarmacyi pra toje, što Rasija maje namier prapanavać na pieramovach. Ale rasijskim ŚMI prapanujuć śćviardžać, što ŭmovy dla Ukrainy ciapier horšyja, čym byli try hady tamu — choć što mienavita majecca na ŭvazie, nie tłumačycca.
Taksama ź mietadyčki vynikaje, što łajalnym Kramlu žurnalistam varta rychtavać hramadskuju dumku da pravału pieramoŭ. U tekście havorycca pra novyja sankcyi, jakija nibyta nie paŭpłyvajuć na raźvićcio Rasii, bo jana dobra adaptavałasia da lubych sankcyj, a biudžet užo składzieny z ulikam hetych abmiežavańniaŭ.
Nahadajem, što 14 maja byŭ abvieščany skład rasijskaj delehacyi na pieramovach u Stambule: Uładzimir Miadzinski, namieśnik ministra zamiežnych spraŭ Michaił Hałuzin, kiraŭnik Hałoŭnaha ŭpraŭleńnia Hienštaba Ihar Kaściukoŭ i namieśnik ministra abarony Alaksandr Famin. Pra patrabavańni Rasii na hetych pieramovach ničoha nie paviedamlajecca. ZŠA, Ukraina i jeŭrapiejskija krainy patrabujuć 30-dzionnaha spynieńnia ahniu biez dadatkovych umoŭ. Pucin stavicca da takoj prapanovy skieptyčna.
Pa słovach adnaho z palittechnołahaŭ, jaki supracoŭničaje z Kramlom, palityčny błok administracyi prezidenta nie mieŭ dačynieńnia da padrychtoŭki pazicyi delehacyi i nie vieryć u pośpiech pieramoŭ. Tamu i robicca akcent na mahčymyja sankcyi jak na najbolš vierahodny vynik sustrečy.
Jašče ŭ lipieni minułaha hoda ŭ inšaj mietadyčcy ŚMI rekamiendavałasia padavać prapanovu Pucina adnavić stambulskija pieramovy jak šaniec chutka zaviaršyć vajnu. Ale tady Pucin patrabavaŭ, kab Ukraina addała Rasii cełyja vobłaści, jakija rasijskija vojski jašče navat nie kantralavali.
Rubia nie čakaje praryvu ad ciapierašnich pieramoŭ u Stambule
Siarod rasijskich pieramoŭnikaŭ u Stambule — kiraŭnik złaviesnaha HRU. Chto jon, Ihar Kaściukoŭ?
Zialenski adpraŭlaje pieramaŭlacca ź Miadzinskim delehacyju na čale z Umieravym
Tramp: Ničoha nie adbudziecca, pakul my z Pucinym nie sustreniemsia
U ofisie Erdahana zajavili pra nieabchodnaść spynieńnia ahniu va Ukrainie i pačatku mirnych pieramovaŭ
Prezident Brazilii pralacieŭ praz Maskvu, nie sustrakajučysia z Pucinym
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary