Bresckuju krepaść prapanujuć unieści ŭ Śpis suśvietnaj spadčyny JUNIESKA
Bresckuju krepaść razam z Mamajevym kurhanam u Vałhahradzie prapanavali ŭnieści ŭ Śpis suśvietnaj spadčyny JUNIESKA jak adziny miemaryjalny kompleks, pryśviečany hierojam Druhoj suśvietnaj vajny. Prezientacyja sumiesnaj biełaruska-rasijskaj zajaŭki adbyłasia 17 maja 2025 hoda ŭ štab-kvatery JUNIESKA ŭ Paryžy.
Pradstaŭnik Biełarusi pry JUNIESKA Kirył Hrušeŭski adznačyŭ, što Bresckaja krepaść — heta simvał mužnaści biełaruskaha naroda, jaki panios vielizarnyja straty padčas vajny, tamu jana maje značeńnie nie tolki dla krainy, ale i dla ŭsioj suśvietnaj pamiaci.
Spačatku krepaść płanavali naminavać jašče ŭ 2000-ja hady jak unikalny fartyfikacyjny abjekt XIX — pačatku XX stahodździa. Jaje navat uklučyli ŭ papiaredni śpis JUNIESKA, ale ŭ 2016—2017 hadach vyklučyli, bo na toj momant dziejničaŭ maratoryj na pryniaćcie abjektaŭ, źviazanych z vajennaj historyjaj. Ciapier ža pa prapanovie biełaruskaj Hienieralnaj prakuratury Bresckaja krepaść padadziena na razhlad mienavita jak vajenna-miemaryjalny kompleks.
Ź biełaruskich abjektaŭ u asnoŭny Śpis JUNIESKA ŭžo ŭniesienyja Biełaviežskaja pušča, Mirski i Niaśvižski zamki, a taksama nieadezičnaja duha Struve. U papiarednim śpisie znachodziacca Aŭhustoŭski kanał, Spasa-Praabraženskaja carkva i Safijski sabor u Połacku, Kałožskaja carkva ŭ Hrodnie, cerkvy ŭ Muravancy, Synkavičach, Kamajach i Ździtavie.
Na rasijskich hrašach prapanujuć raźmiaścić vyjavy biełaruskich haradoŭ
«Kab Pieramoha zastałasia nieabhadžanaj tym, što kažuć na Zachadzie». Što pakažuć u teatrach da 9 Maja
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść
Na terytoryi Bresckaj krepaści źjaviłasia futbolnaje pole FOTAFAKT
Bresckuju krepaść znoŭ pastaviać na maštabnuju rekanstrukcyju
Kamientary
Tam adsotkaú 5 aútentyčnych zbudavańniaú. Dva hady tamu zaciahnuli mnie u krepaść - ačučenija blavotnyja...
Navokał ideałohija, pryčym nie biełaruskaja!
Dziva dziŭnaje. Bo biełaruskaha naroda tam nie było kali polski harnizon hieraična abaraniaŭ ad nacystaŭ tuju samuju krepaść u siaredzinie vieraśnia 1939ha. A tolki potym nacysty na sumiesnym paradzie ŭ Bieraści pieradali horad i krepaść savieckamu kambryhu Kryvašeinu, jaki na tym paradzie ledź nie całavaŭsia z Huderyjanam.
I ŭ čym ža mužnaść tady? U tym što paśla złačynnaje zmovy z hitleraŭskimi nacystami pa napadu na Polšču i jaje padziełu atrymali krepaść ad nacystaŭ u padarunak? Nu małajcy, voś podźvih dyk podźvih, sapraŭdny histaryčny ŭzor dla pierajmańnia dla sučasnych łukašystaŭ i putleraŭcaŭ.