U paŭdniova-zachodniaj častcy Pakistana, u pravincyi Biełudžystan kala horada Chuzdar zdaryŭsia terakt: teraryst-śmiarotnik padarvaŭ aŭtamabil pobač sa školnym aŭtobusam, jaki vioz dziaciej u vajskovuju navučalnuju ŭstanovu, piša Euronews.
U vyniku teraktu zahinuli piać čałaviek, u tym liku troje dziaciej. Jašče 38 atrymali ranieńni, mnohija z paciarpiełych — u ciažkim stanie.
Ułady Pakistana abvinavačvajuć u napadzie Indyju, adnak paćvierdžanych dokazaŭ hetamu niama. Nivodnaja terarystyčnaja hrupoŭka pakul nie pryznała svaju adkaznaść za hety akt. Padazreńnie, adnak, padaje na biełudžskich sieparatystaŭ — uzbrojenyja farmavańni, jakija vystupajuć suprać centralnaj ułady Pakistana i daŭno dziejničajuć u rehijonie.
Ministr unutranych spraŭ Pakistana asudziŭ terakt, nazvaŭšy jaho žorstkim i varvarskim učynkam, tym bolš što achviarami stali dzieci. Pradstaŭnik Uzbrojenych sił krainy taksama nazvaŭ napad «podłym i varvarskim złačynstvam».
Premjer-ministr Pakistana Šachbaz Šaryf zajaviŭ, što naviedaje rehijon i paciarpiełych, i padkreśliŭ, što ŭłada ličyć Indyju vinavataj u atacy, choć paćvierdžańniaŭ hetamu niama.
U Biełudžystanie ŭ apošni čas časta adbyvajucca ŭzbrojenyja sutyknieńni i terakty. Tak, 11 sakavika bajeviki «Armii vyzvaleńnia Biełudžystana» napałi na pasažyrski ciahnik, pry hetym zahinuli 33 čałavieki, pieravažna vajskoŭcy. Hetaja hrupoŭka pryznanaja terarystyčnaj u ZŠA i praciahvaje zmahacca za niezaležnaść rehijonu.
Napružanaść pamiž Pakistanam i Indyjaj uzmacniłasia paśla niadaŭniaha teraktu ŭ indyjskim Kašmiry, u vyniku jakoha zahinuli 26 čałaviek, što vyklikała ŭzajemnyja abvinavačvańni i karotkačasovy ŭzbrojeny kanflikt na miažy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1818
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes18
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary