Z ptuškafabryki pad Hrodnam prapała 400 jajek kački. Pryčym jajkamany navat sačyli, jak vyłuplivajucca kačaniaty
Z pačatku maja z terytoryi pradpryjemstva prapała 414 inkubatarnych jajek. 35-hadovy apieratar haspadarki nočču na ŭłasnym transparcie vyvoziŭ łatki ź jajkami.

Zachoŭvać i realizoŭvać skradzienaje dapamahali jaho svajaki. 58-hadovaja žančyna pradavała ptušaniat praz handlovuju internet-placoŭku, a 64-hadovy mužčyna sačyŭ za jajkami i vyłuplenymi kačaniatami, paviedamlaje abłasny milicejski telehram-kanał.
Milicyja zatrymali maładziejšaha mužčynu na miescy złačynstva padčas razhruzki transpartu.
Pryčynienaja škoda skłała 1200 rubloŭ. Značnaja častka skradzienaha kanfiskavana.
Zaviedziena kryminalnaja sprava pa artykule «Kradziež, učynieny hrupaj asob». Sankcyja artykuła praduhledžvaje maksimalnaje pakarańnie ŭ vyhladzie pazbaŭleńnia voli terminam da čatyroch hadoŭ.
Kamientary