Hramadstva1212

Azaraŭ: Fatohraf-ahient Miščuk pracavaŭ u ABBA, byvaŭ doma ŭ mnohich aktyvistaŭ, adnaho ź biznesmienaŭ pasadzili paśla fotasiesii

Kiraŭnik «Bajpoła» Alaksandr Azaraŭ raskazaŭ «Našaj Nivie» niekatoryja detali pra varšaŭskaha fatohrafa-sieksota Ivana Miščuka, pra druhi pašpart jakoha byłym siłavikam stała viadoma jašče ŭ 2023 hodzie. Nie nazyvajučy kankretnych imionaŭ jon kaža, što viedaje prynamsi pra adzin vypadak aryštu ŭ Biełarusi paśla fotasiesii ŭ Varšavie. 

«Z fatohrafam Ivanam Miščukom mianie paznajomili muž i žonka Jaŭhien Bury i Maryna Hiryn na adnym ź mierapryjemstvaŭ ABBA ŭ kancy 2021 hoda.

Ivan Miščuk na forumie AVVA

Miščuk fatahrafavaŭ mierapryjemstva pa zamovie ABBA. Jon raskazvaŭ, što pracavaŭ u ABBA pa prajekcie, adnak hrošaj tam płacili mała, i jon vymušany byŭ padpracoŭvać fatohrafam, prymajučy pryvatnyja zakazy», — kaža Azaraŭ. 

«Miščuk taksama byŭ fatohrafam siamji Burych: jon rabiŭ zdymki dla ich asabistych staronak u sacyjalnych sietkach, a taksama prysutničaŭ na pryvatnych mierapryjemstvach z udziełam Burych — naprykład, fatahrafavaŭ udzielnikaŭ dnia naradžeńnia Iryny Sazanovič, jakaja na toj čas była vice-prezidentkaj ABBA, dzie prysutničali mnohija aktyvisty, u tym liku i nie publičnyja.

Jaŭhien Bury

Paśla aficyjnych forumaŭ Miščuk zastavaŭsia i fatahrafavaŭ udzielnikaŭ na nieaficyjnych sustrečach.

U kancy 2021 — pačatku 2022 hoda adzin z takich niepubličnych udzielnikaŭ forumaŭ ABBA vyrašyŭ viarnucca dadomu, kab naviedać syna, paśla čaho byŭ zatrymany i asudžany. Heta padzieja šyroka abmiarkoŭvałasia ŭ asiarodździ ABBA, nichto nie moh zrazumieć, jak režym atrymaŭ infarmacyju pra jaho», — dadaŭ Azaraŭ.

Proźvišča hetaha biznesmiena Azaraŭ nie nazvaŭ, ale pryvioŭ jašče adnu historyju. 

Alaksandr Azaraŭ

«U Varšavie adzin viadomy čałaviek časam zaprašaje da siabie na stejki sumlennych biełarusaŭ.

Pa takim zaprašeńni adnojčy pryjšła Maryna Hiryn i biez dazvołu pryviała tudy Miščuka, z-za čaho ŭźnik kanflikt z arhanizataram.

Miščuk, dziakujučy pracy ŭ ABBA, mieŭ dostup da kołaŭ mnohich aktyvistaŭ, rabiŭ im asabistyja fotasiesii i navat byvaŭ u ich doma», — skazaŭ jon.

«Miščuk taksama fatahrafavaŭ praces padpisańnia pahadnieńnia ab supracoŭnictvie pamiž ABBA i «Bajpołam» u ramkach vieryfikacyi biełaruskaha biznesu — pahadnieńnia, jakoje tak i nie było realizavana», — skazaŭ eks-padpałkoŭnik. 

Jon prosić usich, chto mieŭ prablemy z režymam Łukašenki paśla fotasiesij ź Miščukom napisać u «Bajpoł». 

Kiraŭnik ABBA Viktar Bury adreahavaŭ na hetyja słovy Alaksandra Azarava i daŭ svoj razhornuty kamientar na ich:

Bury adkazaŭ Azaravu pra ahienta Miščuka: Jon nikoli nie pracavaŭ u AVVA i ni da jakoj sakretnaj infarmacyi dostupu nie mieŭ

Kamientary12

  • Važnaja detal
    28.05.2025
    "Pa takim zaprašeńni adnojčy pryjšła Maryna Hiryn i biez dazvołu pryviała tudy Miščuka, z-za čaho ŭźnik kanflikt z arhanizataram".
    Važnaja detal.
  • hałapierydoł
    28.05.2025
    Ničoha sabie - atrymlivajecca što ludzi z pašpartami prykryćcia - zazvyčaj ahientura. Što pieraškadžaje Biełpołu/Bajpołu apubličyć bazu kab možna było pravieryć?
  • Biespracoŭnaja pašpartystka Habija
    28.05.2025
    A ci možna zamović fotasiesiju ŭ hetaha Miščuka, kab zajmieć prablemy z Łukašenkaj i atrymać status uciekača ŭ Eŭropie, moh by prakamientavać spadar Azaraŭ?

Ciapier čytajuć

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili4

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili

Usie naviny →
Usie naviny

Pad Minskam adbyŭsia mahutny vybuch na hazavym trubapravodzie11

Źniali z pasady namieśnika hiendyrektara TASS, jaki braŭ intervju ŭ Łukašenki1

Pamior Viačka Stankievič3

Škoła ekanomiki i biznesu EHU: što jana saboj ujaŭlaje i čym adroźnivajecca ad BDEU6

Siarod zahinułych u avijakatastrofie ŭ Amurskaj vobłaści byŭ prynamsi adzin biełarus5

Ministr finansaŭ raskazaŭ, na što Biełaruś prosić hrošaj u Rasii4

Admin biełaruskaj Vikipiedyi: Davajcie spynim pisać pra biazdarnaściaŭ tolki tamu, što jany biełarusy abo emihranty63

Były analityk «Minskaha dyjałohu»: Duraść zaviała Rasiju ŭ stratehičny tupik22

Litoŭskaja raźviedka papiaredziła biełarusaŭ, što ich imkniecca zavierbavać KDB7

bolš čytanych navin
bolš łajkanych navin

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili4

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili

Hałoŭnaje
Usie naviny →

Zaŭvaha:

 

 

 

 

Zakryć Paviedamić