Zdaryłasia heta ŭ časie pres-kanfierencyi z nahody adznačeńnia t.zv. śviata adzinstva Rasii i Biełarusi.
Zdaryłasia heta ŭ časie pres-kanfierencyi z nahody adznačeńnia t.zv. śviata adzinstva Rasii i Biełarusi.
Naŭrad ci karespandent hałoŭnaha biełaruskaha infarmahienctva «Biełta» čakaŭ takoha adkazu na svajo u cełym biaskryŭdnaje pytańnie, piša «Moskovskij komsomolec» Žurnalist spytaŭ Baradzina pra toje, jak dziaržsakratar adnosicca da dumki ambasadara Biełarusi ŭ Rasii Daŭhalova, jaki ličyć, što zaraz bolš namahańniaŭ treba prykładać nie na budaŭnictva Sajuznaj dziaržavy, a na stvareńnie Mytnaha sajuza Rasii, Biełarusi, Kazachstana i Ukrainy. Pavieł Baradzin byŭ łakaničny, ale krasamoŭny:
«I Kazachstan, i Ukraina, u bližejšy čas i ŭsie astatnija našy respubliki pavinny ŭvajści ŭ naša Sajuznuju dziaržavu. Havorka idzie ab uvachodžańni na manier Jeŭrasajuza — uładkavańnie našaj ŭsioj postsavieckaj prastory. Nu a takich pasłoŭ treba pasyłać u adno miesca — jakoje vy viedajecie ...»
Paśla takoha vybryka pres-kanfierencyja sama saboj syšła na ništo. A duch «jadnańnia narodaŭ» kudyści vyparyŭsia. Praŭda, žurnalistaŭ, što pryjšli na mierapryjemstva nastojliva paprasili nie drukavać i nie pakazvać na videa rezkaje vykazvańnie Baradzina. Maŭlaŭ, Pał Pałyč paharačyŭsia. Adnak «MK» vyrašyŭ raspavieści hramadskaści, jakaja na samoj spravie cana chvalonamu jadnańniu, kali sam dziaržsakratar Sajuznaj dziaržavy dazvalaje sabie adkryta pasyłać dypłamataŭ Biełarusi.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary