Usiaho patrochu1212

Dziaŭčyna źniała na videa kampościer u aŭtobusie Bresta. U kamientarach haračaja sprečka — z-za minčukoŭ

«Mnie padabajecca jak žychary Minska admaŭlajuć isnavańnie astatnich haradoŭ».

Kampościer u aŭtobusie Bresta. Skrynšot videa: tanya.poland / TikTok

Dziaŭčyna Taćciana pierajechała ź Biełarusi ŭ Polšču. Niadaŭna jana pryjazdžała ŭ Brest. U haradskim aŭtobusie dziaŭčyna zapisała rolik, jak prabivaje kampościeram tałončyk.

«Voś takaja ŭ Biełarusi teknałodžyja», — z humaram padpisała jana.

«Raniej usprymałasia, jak niešta narmalnaje, ciapier paśla Polščy ździŭlaje, što jość takaja sistema», — napisała dziaŭčyna.

Videa sabrała bolš za dva miljony prahladaŭ i 5000 kamientaroŭ. Tam niečakana razharnułasia sprečka pamiž minčukami i žycharami inšych haradoŭ.

Minčuki ŭ kamientarach zaŭvažajuć, što daŭno nie bačyli ŭžo takich kampościeraŭ: maŭlaŭ, tolki ŭ vioskach i małych haradach zastalisia. «Niama kampościeraŭ u Biełarusi», — dakazvali ŭ kamientarach.

«Usio narmalna, heta ŭ vioskach, a nie ŭ Minsku», — adkazaŭ chtości.

Žychary abłasnych centraŭ aburylisia.

«U Viciebsku, Breście, Mahilovie taksama takoje jość. Heta maleńkija harady? Vioski?»

«U Homieli tolki takija i jość. A heta, na chvilinku, samy bujny abłasny centr».

«Takaja «fihnia» jość u Navapołacku, horad hety ciažka nazvać vioskaj».

«Ja žyvu ŭ hetaj vioscy, jakaja Brest nazyvajecca», — piša jašče adzin kamientatar. Ale žychary Bresta dadajuć, što ŭ ich možna apłacić prajezd i z dapamohaj mabilnaha dadatku.

«Vy jašče kampościery ŭ Hrodnie nie bačyli, u vas užo choć nastupnaje pakaleńnie. U nas jašče «da» sustrakajecca. Žaleznyja takija. Tam treba na łapku naciskać, kab prabiłasia».

«Mnie padabajecca jak žychary Minska admaŭlajuć isnavańnie astatnich haradoŭ».

«Kamientary — heta čarhovy dokaz, što Minsk i Biełaruś heta zusim roznyja miescy», — padsumavaŭ adzin z karystalnikaŭ.

Kamientary12

  • Mikrarajon
    08.06.2025
    A minčanam žyćcia nie dajuć čynoŭniki i mianty, jakija panajechali z rehijonaŭ.
    Jany panatykali paŭsiul kamiery videanazirańnia, ni ŭzdychnuć, ni piornuć (prabačcie) bieź videafiksacyi.
    Usio vyšejšaje kiraŭnictva, jakoje znachodzicca ŭ Minsku, - nie minčanie.

    Voźmiem naprykład kiraŭnika Minsku: *Vładimir Jevhieńjevič Kuchariev (rod. 19720Timonovo, Klimovičskij rajon, Mohilevskaja obłasť) — biełorusskij hosudarstviennyj diejatiel. S 3 sientiabria 2020 hoda — Priedsiedatiel Minskoho horodskoho ispołnitielnoho komitieta.*

    Jamu pytańni zadavajcie: čamu jon nie raźvivaje rodnuju Mahiloŭskuju vobłaść, a palez kiravać Minskam. Minčanam nie dajuć vyrašać pytańni ŭłasnaha horadu.
    Hadami niemahčyma vyrašyć prostaje pytańnie - pakłaści plitku na ściežku. Kab ludzi pa hrazi nie tepali la mietro. Zatoje hrošy marnujucca na padviasnyja kašpo ź pietunijami i ich paliŭ palivalnymi mašynami (!!!),ŭzdoŭž taho ž samaha praśpiekta, dzie ludzi brud miesiać nahami ŭžo hadoŭ 15.
    A ŭ mikrarajonach-novabudoŭlach dziasiatkami i sotniami hinuć pasadžanyja drevy. Biez palivu i pryhladu. A kasilščyki travy abdzirajuć maładuju karu. Ad čaho dreva hinie ciaham adnaho hoda.

    Napeŭna vychadziec z Mahiloŭskaj vobłaści Kucharaŭ ličyć usio heta narmalnym.
  • %
    08.06.2025
    A čym prablema ułasna? Nie zrazumieŭ
  • ołoło
    08.06.2025
    a što, kampościer heta niešta brydkaje ci što, nie razumieju ŭ čam prablema. Heta reč, jakaja pracuje, dy i ŭsio. "Paśla Polščy ździŭlaje"... Paśla Japonii ci Sinhapuru ździŭlaje Polša, dyk i što. Kałchoz
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Usie naviny →
Usie naviny

Tejłar Śvift abviaściła pra vychad novaha alboma4

Marsijanski mietearyt pradali na aŭkcyjonie za vialikija hrošy. Ułady afrykanskaj krainy pratestujuć2

Siaredni košt arendy kvatery ŭ Minsku pavialičyŭsia na 10-15%

Udzielnikaŭ pratestaŭ šukajuć pa polskaj knizie z fotazdymkami z maršaŭ6

Zahinuŭ na vajnie ziać Iosifa Pryhožyna5

Na jakija stypiendyi možna raźličvać pry vučobie na «Historyi» ŭ EHU1

Hałoŭčanka: Pryčyn dla pavyšeńnia staŭki refinansavańnia niama

MZS raskazała, što ciapier ź biełarusami, vyzvalenymi z pracoŭnaha rabstva

U Minsku sansłužba zakryła kramu z-za videa ŭ siecivie

bolš čytanych navin
bolš łajkanych navin

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia

Hałoŭnaje
Usie naviny →

Zaŭvaha:

 

 

 

 

Zakryć Paviedamić