U Biełarusi ŭłady płanujuć uvieści šerah abmiežavańniaŭ, jakija zakranuć valutnyja apieracyi, rekłamu i rynak nieruchomaści. Adpaviedny zakonaprajekt 9 červienia prajšoŭ pieršaje čytańnie ŭ Pałacie pradstaŭnikoŭ.
Adna z hałoŭnych prapanoŭ — zabaranić pazyki ŭ zamiežnaj valucie pamiž fizičnymi asobami, akramia vypadkaŭ, kali heta blizkija svajaki. Taksama chočuć zabaranić brać pazyki pad zakład adzinaha žylla, naprykład, kvatery ci doma. Akramia taho, płanujecca abmiežavać pamier štrafaŭ i pracentaŭ pa takich dahavorach pazyki.
Jašče adna inicyjatyva — zabaranić indyvidualnym pradprymalnikam i arhanizacyjam, jakija nie źjaŭlajucca mikrafinansavymi, vydavać kredyty fizičnym asobam. Vyklučeńnie — tolki dla kredytaŭ, jakija vydajucca najmalnikami svaim supracoŭnikam.
Taksama prapanujecca zabaranić vykarystańnie ŭ rekłamie słoŭ nakštałt «pazyka», «mikrapazyka», «hrošy ŭ doŭh» — kali rekłamadaŭca nie źjaŭlajecca mikrafinansavaj arhanizacyjaj.
U Pałacie pradstaŭnikoŭ tłumačać, što hetyja miery pavinny abaranić hramadzian ad praźmiernaj zapazyčanaści i pavysić davier da aficyjnych finansavych struktur. Jak adznačyŭ staršynia parłamienta Ihar Sierhiejenka, dziaržava pavinna praduchilać finansavyja prablemy hramadzian.
Ciapier zakonaprajekt čakaje druhoje čytańnie, potym jaho razhledzić Saviet Respubliki i padpiša Łukašenka.
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary