Hienieralny sakratar NATA Mark Rute, vystupajučy ŭ Łondanie zajaviŭ, što krainam-udzielnicam aljansu treba značna pavialičyć svaje vydatki na supraćpavietranuju i supraćrakietnuju abaronu — u piać razoŭ, abo na 400%. Heta, pavodle jaho słoŭ, nieabchodna, kab abaranić siabie ad pavietranych udaraŭ z boku Rasii, padobnych da tych, što jana nanosić va Ukrainie.
Rute padkreśliŭ, što navat kali vajna va Ukrainie skončycca, pahroza z boku Rasii nie źniknie. Tamu NATA treba zrabić «kvantavy skačok» u raźvićci svajoj abaronnaj zdolnaści. Jon zaklikaŭ aljans stać «macniejšym, spraviadliviejšym i našmat bolš efiektyŭnym».
U svajoj pramovie ŭ Łondanie Rute taksama skazaŭ, što Rasija vyrablaje ŭ čatyry razy bolš snaradaŭ, čym uvieś NATA, chacia jaje ekanomika ŭ 25 razoŭ mienšaja za sumarny VUP krain aljansu. Heta, pavodle jaho, stała mahčymym dziakujučy padtrymcy z boku Kitaja, Paŭnočnaj Karei i Irana.
Da samitu NATA, jaki projdzie naprykancy červienia ŭ Haazie, čakajecca damoŭlenaść ab tym, što krainy buduć vydzialać da 5% svajho VUP na abaronu. Ź ich 3,5% pojduć na techniku i armiju, jašče 1,5% — na infrastrukturu i vajskovuju pramysłovaść.
Pradstaŭnik Kramla Dźmitryj Piaskoŭ užo adreahavaŭ na hetyja zajavy, nazvaŭšy rasijskuju pahrozu «efiemiernaj» i abvinavaciŭšy NATA ŭ biessensoŭnym marnavańni hrošaj jeŭrapiejskich padatkapłatnikaŭ.
Rute taksama vykazaŭ padtrymku sprobam prezidenta ZŠA Donalda Trampa damahčysia pieramirja va Ukrainie i pachvaliŭ jaho za adnaŭleńnie dyjałohu z Rasijaj. Jon zajaviŭ, što vajna moža skončycca tolki tady, kali Pucin sam vierniecca za stoł pieramoŭ i padkreśliŭ, što pradstaŭnik Kramla Uładzimir Miadzinski dla hetaj roli nieprydatny.
Naščadka emihrantaŭ ź Biełarusi pryznačyli hałoŭnakamandujučym abjadnanych siłaŭ NATA ŭ Jeŭropie
Hiensak NATA ab apieracyi SBU «Pavucińnie»: Ukraina naceliłasia na zdolnaść Rasii atakavać niavinnych hramadzian
Duda: Rasija vydychajecca, a my macniejem. A nakont Ukrainy ŭ NATA ja z Naŭrockim pahavaru
«Ciapier zbroja vajny — kłavijatura». Brytanija vydatkuje 1 miljard funtaŭ na madernizacyju kibiervojskaŭ
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary
Darečy, Rute byŭ na słavutym zdymku, kali adčyniali Paŭnočyn Patok. A ŭ 2021 hodzie schłusiŭ u parłamiencie pra rachmovy z rasijanami pra trubu.