Hiensak NATA ab apieracyi SBU «Pavucińnie»: Ukraina naceliłasia na zdolnaść Rasii atakavać niavinnych hramadzian
Mark Rute prakamientavaŭ apieracyju SBU pa atacy rasijskaj stratehičnaj avijacyi.
Hienieralny sakratar NATA Mark Rute zajaviŭ, što Ukraina naceliłasia na zdolnaść Rasii atakavać nievinavatych hramadzian pa ŭsioj krainie. Tak jon acaniŭ apieracyju SBU «Pavucińnie», padčas jakoj ukrainskija drony atakavali stratehičnuju avijacyju Rasii.
Jak adznačyŭ Rute, Ukraina karystajecca poŭnaj padtrymkaj z boku sajuźnikaŭ. I ŭsie chočuć, kab u Kijeva była mocnaja pazicyja na pierahavorach, piša novyny.live.
«My chočam davieści hety kanflikt da ŭstojlivaha zaviaršeńnia. […] Jany nacelilisia na zdolnaść Rasii atakavać nievinavatych ukrainskich hramadzian. Ja heta jasna prymaju da ŭvahi. Ale dazvolcie mnie nie kamientavać kožny krok i nie aceńvać, što heta aznačaje dla situacyi i vajny, bo heta nie zaŭsiody karysna», — skazaŭ hiensiek NATA.
Rute pry hetym admoviŭsia adkazvać na pytańnie, ci vykarystała Ukraina raźvieddanyja sajuźnikaŭ pa NATA dla praviadzieńnia hetaj apieracyi.
Kamientary