Iłan Mask publična vybačyŭsia za niekatoryja svaje publikacyi ŭ sacyjalnaj sietcy X, u jakich krytykavaŭ byłoha prezidenta ZŠA Donalda Trampa. Mask pryznaŭsia, što ŭ niekatorych vypadkach «zajšoŭ zanadta daloka», piša Rasijskaja słužba Radyjo Svaboda.
Hetyja słovy byli vykazany paśla publičnaha kanfliktu pamiž dźviuma viadomymi asobami, jaki ŭźnik paśla taho, jak Mask vykazaŭsia suprać prapanavanaha Trampam biudžetnaha zakonaprajekta, nazvaŭšy jaho «brydkaj miarzotnaściu». U vyniku Mask pakinuŭ svaju pasadu ŭ Departamiencie efiektyŭnaści ŭrada ZŠA ŭ kancy maja 2025 hoda.
Paśla hetaha Mask apublikavaŭ niekalki sprečnych paviedamleńniaŭ, u tym liku abvinavačańni ŭ adras Trampa, jakija jon paźniej vydaliŭ.
5 červienia Tramp i Mask zładzili publičnuju pierapałku ŭ sacyjalnych sietkach — Mask pisaŭ svaje dopisy ŭ sacsietcy X, Tramp — u Truth Social.
Mask napisaŭ, u pryvatnaści, što bieź jaho dapamohi Tramp prajhraŭ by prezidenckija vybary. Tramp u adkaz napisaŭ, što Mask zvarjacieŭ i pryhraziŭ pazbavić finansavańnia kaśmičnyja prajekty kampanij Maska — SpaceX i Starlink.
Mask, u svaju čarhu, zapatrabavaŭ impičmientu Trampa i namiaknuŭ na jaho suviaź z spravaj finansista Džefry Epštejna, jaki byŭ asudžany za seksualnyja złačynstvy. Paźniej Mask vydaliŭ hety dopis.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary
Mienia uraziła ińšaje ))
.Hety ..Tramp majučy milony$$$ asabista apłacił pasłuhi prastituki z partyjnaj kasy) Heta jakim piižonam patrebna być? I jak pa buchučietu praviali.))