U Polščy zatrymali biełarusku, jakaja pieravoziła nielehalnych mihrantaŭ
Zatrymańnie žančyny adbyłosia 18 červienia kala miastečka Harvolin, što prykładna za 60 kiłamietraŭ ad Varšavy.
Miascovaja palicyja atrymała infarmacyju ad pamiežnikaŭ sa Słavatyčaŭ Lublinskaha vajavodstva (niedaloka ad miažy ź Biełaruśsiu) i spyniła aŭtamabil Citroën, jaki adpaviadaŭ prykmietam padazronaj mašyny.
Za rulom była biełaruska, a pobač ź joj — hramadzianin Arhienciny. U sałonie i bahažniku znachodzilisia piać inšaziemcaŭ. Pa słovach palicyi, zrazumieć ich było ciažka praz moŭny barjer, ale ŭ ich byli dakumienty, i, vierahodna, usie jany pryjechali z Afhanistana.
Paśla zatrymańnia palicyja pieradała mašynu i zatrymanych supracoŭnikam pamiežnaj słužby ŭ Słavatyčach. Ciapier spravu praciahvajuć rasśledavać mienavita jany.
Kamientary