Alaksandr Łukašenka siońnia sustreŭsia ŭ Pałacy Niezaležnaści sa śpiecpradstaŭnikom Trampa Kitam Kiełaham.
«Šumu vy narabili ŭ śviecie vielmi šmat svaim pryjezdam. Ale ja ździŭleny, čamu. Niaŭžo my nie možam vieści narmalny dyjałoh i razmaŭlać pra našy spravy — pra adnosiny pamiž Biełaruśsiu i Złučanymi Štatami Amieryki? Vielmi rady, spadar hienierał, sustrecca z vami. Ja vielmi spadziajusia, što naša hutarka budzie vielmi ščyraj, adkrytaj. Inakš navošta sustrakacca? Kali chitryć, mudravać adzin pierad adnym, my vyniku nie dasiahniem», — cytuje słovy Łukašenki Puł pieršaha.
U svaju čarhu Kit Kiełah padziakavaŭ za haścinnaść i sustreču.
«My žyviom u vielmi niebiaśpiečny čas, kali tyja kryzisy, ź jakimi my sutykajemsia, mohuć rezka eskałavać, razrastacca, kali my nie budziem mudrymi i spraviadlivymi», — skazaŭ jon.
U adkaz na heta Łukašenka padkreśliŭ: «Spadar hienierał, ja vam abiacaju, što vy budziecie ŭ poŭnaj biaśpiecy na terytoryi Biełarusi, i za hety čas nie adbudziecca nijakaj eskałacyi nie tolki ŭ Biełarusi, ale i vakoł nas».
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary