Kolki kaštuje chatniaja aptečka ŭ Biełarusi, Litvie i Polščy? Paraŭnali ceny

U skład bazavaj chatniaj aptečki dla troch krain my budziem ličyć nastupnyja preparaty:

• paracetamoł,
• ibuprafien,
• no-špa,
• spazmałhon,
• pantenoł,
• analhin,
• nimiesił,
• pierakis vadarodu,
• validoł,
• karvałoł,
• našatyrny śpirt,
• suprastyn,
• śmiekta,
• nazoł,
• a taksama instrumienty — žhut, šprycy, hraduśnik.

Asobna paraŭnajem niekatoryja papularnyja (zhodna z servisam «Tabletka baj») miedykamienty: kanviers, jupierya, fienibut, kardyjamahnił, acykłavir.

Biełaruś — 171 rubiel

Pavialičyć

Minimalny nabor lekaŭ u Biełarusi budzie kaštavać 171 rubiel. Samymi darahimi tut možna ličyć preparaty, jakija nie vyrablajucca ŭ krainie. Naprykład, vienhierski suprastyn ci francuzskuju śmiektu — ceny na ich buduć pa 13,80 i 29 rubloŭ adpaviedna.

16-17 rubloŭ budzie kaštavać pantenoł u aerazoli, a pierakis vadarodu — kala 1,5 rubla. Paraŭnalna tannymi ŭ Biełarusi akazalisia instrumienty: žhut tut možna nabyć za 4,4 rubla, a elektronny hraduśnik i čatyry šprycy — za 20 rubloŭ i pa 18 kapiejek za štuku.

Siarod inšych papularnych u biełarusaŭ lekaŭ samym darahim staŭ jupierya — preparat dla lačeńnia sardečnaj niedastatkovaści z hipatenziŭnym efiektam. Za 28 tabletak spatrebicca zapłacić 117 rubloŭ. 

Acykłavir u Biełarusi kaštuje 6,4 rubla za 30 tabletak, a fienibut — 10,4 rubla. Niamiecki kardyjamahnił pradajuć pa 2,7 rubla, a słavienski kanviers, jaki vykarystoŭvajuć dla pašyreńnia sasudaŭ, — za 13 rubloŭ.

Litva — kala 320 biełaruskich rubloŭ

Pavialičyć

Zhodna z anłajn-katałoham litoŭskaj sietki aptek Gintarine vaistine, takaja chatniaja aptečka ŭ susiedziaŭ budzie kaštavać pryblizna 85 jeŭra, ci kala 320 biełaruskich rubloŭ.

Ale nie da ŭsich preparataŭ sa śpisu ŭ Litvie jość stopracentnyja anałahi. Spazmałhon tut bližej za ŭsio zamianić na recepturny analginas sanitas z canoj 6 jeŭra (22,6 rubla). Nie pradajecca i nimiesił — bližejšym da jaho varyjantam z aktyŭnym rečyvam nimiesulida stanie taki ž recepturny aponil. Kaštavać jon budzie 8,42 jeŭra (31,7 rubla) za 30 tabletak.

Hraduśnik u Litvie budzie kaštavać 6 jeŭra, a turnikiet — troški bolš za 9 (34 rubli). Admietna, što ŭ anłajn-kramach amal nie zastałosia našatyrnaha śpirtu (amijaku). Cana na suprastyn ad alerhii ŭ krainie — 5,6 jeŭra (21 rubiel), a na karvałoł — 3,49 jeŭra (13 rubloŭ).

Zusim niama ŭ Litvie papularnaha ŭ Biełarusi fienibuta, a da zapatrabavanaha jupierya tut najbližejšy anałah — heta entresto za amal 46 jeŭra (173,4 rubla). Acykłavir u Vilni budzie kaštavać 14,35 jeŭra (54 rubli).

Polšča — kala 234 biełaruskich rubloŭ

Pavialičyć

Za bazavuju chatniuju aptečku ŭ Polščy spatrebicca zapłacić 265 złotych — heta kala 234 biełaruskich rubloŭ.

Prostyja ibuprafien i paracetamoł, kali hladzieć pa sajcie doz.pl, u Polščy kaštujuć pa 10 i 14 złotych (9 i 12 rubloŭ) adpaviedna. U adroźnieńnie ad Litvy, za 23 złotyja tut možna budzie nabyć dzieviać saše recepturnaha nimiesiłu i našatyrny śpirt — za 5 złotych (4,4 rubla). Sprej pantenołu abydziecca ŭ 17 złotych (15 rubloŭ). Śmiekta — u 22 złotych (19,4 rubla).

Toj ža elektronny hraduśnik u Varšavie budzie kaštavać 15 złotych (13 rubloŭ), a turnikiet — 30 (26 rubloŭ). Šprycy pradajucca pa 49 hrošaŭ (43 kapiejki) za štuku.

• 0
• 1
• 0
• 0
• 0
• 0
• 0
• 0