Pry papiarednim vizicie vysokapastaŭlenych amierykancaŭ adpuścili jaho kalehu Andreja Kuźniečyka.
Alaksandr Łukašenka vyzvaliŭ palitźniavolenaha žurnalista Ihara Karnieja. Heta adbyłosia ŭ dzień pryjezdu ŭ Biełaruś śpiecpradstaŭnika Donalda Trampa Kita Kiełaha.
Ihar Karniej zdabyŭ viadomaść jak žurnalist «Radyjo Svaboda».
Ihar Karniej naradziŭsia 15 lutaha 1967 hoda ŭ Minsku. Skončyŭ fakultet žurnalistyki BDU. Pracavaŭ u šerahu biełaruskich i zamiežnych miedyja. Aśviatlaŭ temy palityki, parušeńniaŭ pravoŭ čałavieka, a taksama pracu siłavych strukturaŭ. Viadomy jak eseist, aŭtar tekstaŭ pra kulturna-histaryčnuju spadčynu Biełarusi, trevieł-błohier.
Paśla taho, jak «Radyjo Svaboda» pryznali «ekstremisckim farmavańniem», Karniej spyniŭ supracu ź miedyja, adnak zastavaŭsia ŭ Biełarusi.
Karniej byŭ aryštavany 17 lipienia 2023 hoda, nieŭzabavie paśla pachavańnia mastaka Alesia Puškina. Žurnalistu inkryminiravali «ŭdzieł u ekstremisckim farmavańni». Mahčyma, farmalnaj pryčynaj pieraśledu stali zdymki, zroblenyja na pachavańni i paśla apublikavanyja ŭ niezaležnych miedyja.
22 sakavika 2024 hoda ŭ Minskim haradskim sudzie byŭ vyniesieny prysud — 3 hady kałonii. Karnieja adpravili adbyvać pakarańnie ŭ kałoniju №17 u Škłovie.
Žurnalista niekalki razoŭ kidali ŭ kałonii ŭ pamiaškańnie kamiernaha typu, a ŭrešcie prysudzili jašče 10 miesiacaŭ źniavoleńnia za «niepadparadkavańnie patrabavańniam administracyi».
Zimoj 2024/2025 Karnieja vyvozili ŭ SIZA KDB dla zapisu prapahandysckaha filma.
U žurnalista i jaho žonki Iny čatyry dački.
-
«U kałonii canili pieradačy prapahandystki Skabiejevaj». Były palitviazień Jaŭhien Mierkis raskazaŭ, jak vyžyvaŭ za kratami
-
Biełaruska atrymała polskuju vizu, ale nie pačała pa joj jeździć da zakryćcia miažy. Ci puściać jaje ciapier u ES?
-
17-hadovaja biełaruska, zatrymanaja za zapusk drona ŭ Varšavie, pryjechała ŭ Polšču ŭsiaho niekalki dzion tamu
Da «Dnia narodnaha adzinstva» pamiłavali 25 čałaviek4
Kamientary