MAHATE zajaviła, što radyjacyjnaja situacyja ŭ Iranie nie źmianiłasia
Mižnarodnaje ahienctva pa atamnaj enierhii (MAHATE) paviedamiła, što paśla ŭdaraŭ pa troch jadziernych abjektach u Iranie — u tym liku pa padziemnym kompleksie ŭ Fardo — pavyšeńnia ŭzroŭniu radyjacyi za miežami abjektaŭ nie zafiksavana, a situacyja kantralujecca.
Pavodle zajavy MAHATE, paśla ataki na try iranskija jadziernyja abjekty nie vyjaŭlena pavyšeńnia radyjacyjnaha fonu. «Na hety momant nie zafiksavana nijakaha pavyšeńnia ŭzroŭniu radyjacyi pa-za miežami abjektaŭ», — havorycca ŭ aficyjnym paviedamleńni arhanizacyi. U ahienctvie taksama padkreślili, što buduć pradastaŭlać dadatkovyja acenki situacyi pa miery pastupleńnia novaj infarmacyi.
Udaru padvierhlisia, u pryvatnaści, padziemny zavod u Fardo, jaki źjaŭlajecca adnym z klučavych elemientaŭ iranskaj prahramy ŭzbahačeńnia ŭranu. Prezident ZŠA Donald Tramp abviaściŭ, što ZŠA atakavali try jadziernyja abjekty ŭ Iranie — u Fardo, Natanzie i Isfachanie.
MAHATE zaklikała ŭsie baki da strymanaści i padkreśliła, što dostup naziralnikaŭ na abjekty — klučavy dla zabieśpiačeńnia biaśpieki i prazrystaści jadziernaj prahramy Irana.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary