MUS prapanuje pierahledzieć praviły pieravozki dziaciej u mašynach
Pieršy namieśnik ministra ŭnutranych spraŭ Juryj Nazaranka padčas sieminara ŭ Pałacie pradstaŭnikoŭ adznačyŭ, što MUS prapanuje pierahledzieć padychody da pieravozki dziaciej u transpartnych srodkach. Pavodle jaho słoŭ, situacyja ź dziciačym traŭmatyzmam na darohach vyklikaje surjoznuju zaniepakojenaść, piša BiełTA.
U 2024 hodzie kožny čaćviorty zahinuły ŭ DTZ kiroŭca nie karystaŭsia ramianiom biaśpieki ci šlemam. Bolš za tracinu zahinułych pasažyraŭ taksama nie vykarystoŭvali srodki pasiŭnaj biaśpieki. Za hod zafiksavana zvyš 150 tysiač vypadkaŭ, kali ramiani biaśpieki nie vykarystoŭvalisia, kala 25 tysiač ź ich — paŭtorna. Praviły pieravozki dziaciej byli parušanyja 42 tysiačy razoŭ, kožnaje dziasiataje parušeńnie — paŭtornaje.
Z 2019 da 2024 hoda kolkaść DTZ z udziełam dziaciej-pasažyraŭ vyrasła sa 144 da 204 vypadkaŭ, a kolkaść zahinułych dziaciej — z 7 da 14.
Nazaranka padkreśliŭ, što adna z pryčyn takoj niehatyŭnaj tendencyi — słabaja adkaznaść za padobnyja parušeńni. Papiaredžańni nie dajuć nieabchodnaha vychavaŭčaha efiektu, a poŭny kantrol za pieravozkami dziaciej niemahčymy. Aŭtamatyčnyja sistemy fiksacyi parušeńniaŭ taksama nie zaŭsiody mohuć vyjavić hetyja vypadki.
U suviazi z hetym MUS prapanuje ŭnieści parušeńni, źviazanyja ź nievykarystańniem ramianioŭ biaśpieki i niapravilnaj pieravozkaj dziaciej, u śpis vyklučeńniaŭ, na jakija nie budzie raspaŭsiudžvacca miera ŭ vyhladzie papiaredžańnia, a adrazu budzie praduhledžana bolš strohaje pakarańnie.
Kamientary