Kiroŭcu minivena, u jakim raźbilisia čaćviora čałaviek u Lidskim rajonie, asudzili na čatyry hady
Viarchoŭny sud paviedamiŭ, čym skončyłasia rezanansnaja sprava ab aŭtamabilnaj avaryi, u jakoj zahinuli adrazu čaćviora čałaviek.
Zdareńnie adbyłosia 23 listapada 2024 hoda. 62-hadovy kiroŭca jechaŭ na minivenie Opel Zafira pa trasie M6 Minsk — Hrodna. U sałonie taksama znachodzilisia jaho žonka i čaćviora jaje svajakoŭ, uklučajučy dvuch dziaciej 2007 i 2017 hadoŭ. Małodšy ź ich nie byŭ pryšpileny ramianiom biaśpieki.
Kiroŭca znachodziŭsia ŭ stomlenym stanie i na ŭčastku darohi ŭ rajonie vioski Biskupcy Lidskaha rajona zasnuŭ za rulom. Aŭtamabil na chutkaści vylecieŭ z trasy, najechaŭ na aharodžu biaśpieki i pierakuliŭsia. Momant avaryi trapiŭ na kamiery nazirańnia. Čaćviora pasažyraŭ, uklučajučy dziaciej, zahinuli na miescy, jašče adzin 51-hadovy pasažyr atrymaŭ ciažkija cialesnyja paškodžańni. Kiroŭca taksama zastaŭsia žyvym.
Śledstva ŭstanaviła, što kiroŭca nie spaŭ bolš za 12 hadzin i nieadnarazova skardziŭsia na stomlenaść, pra što śviedčyli jaho spadarožniki. Niahledziačy na heta, jon praciahnuŭ ruch, što pryviało da trahiedyi. Jon raskazaŭ, što napiaredadni sustreŭ svajakoŭ ź Viciebskaj vobłaści na vakzale, paśla čaho jany nakiravalisia ŭ Smarhoń na prysiahu plamieńnika jaho žonki. Na zvarotnym šlachu jon adčuŭ stomlenaść, ale nie spyniŭsia, što i stała pryčynaj avaryi. U sudzie abvinavačany pryznaŭ vinu.
U vyniku abvinavačany pryznany vinavatym u parušeńni PDR, i na padstavie č. 3 art. 317 KK jamu pryznačana pakarańnie čatyry hady kałonii ahulnaha režymu, z pazbaŭleńniem prava zajmacca dziejnaściu, źviazanaj z kiravańniem transpartnymi srodkami, na termin 5 hadoŭ.
Ciapier čytajuć
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie22
Kamientary