Jak skłaŭsia los kacianiaci, jakoha ratavać na darozie ŭ Breście spynilisia ŭsie kiroŭcy. Na žal, sumna
25 červienia ranicaj u centry Bresta na prajeznuju častku vybiehła maleńkaje kaciania. Kab abaranić jaho ad kołaŭ, kiroŭcy ŭsich transpartnych srodkaŭ — ad lehkavych aŭto da tralejbusa — spynilisia i ŭtvaryli žyvy zasłon.
Miljony prahladaŭ nabrała videa z centra Bresta z vyratavańniem kacianiaci. Kamientatary zachaplalisia kiroŭcami i chvalavalisia za los kacianiaci. Pušyścika vyratavali, ale finał u hetaj historyi sumny.
Z BrestSICI źviazaŭsia hałoŭny doktar vieterynarnaj kliniki, kudy pryvieźli kaciania i raspavioŭ padrabiaźniej, što adbyłosia z žyviołaj.
U kacianiaci dyjahnastavali palitraŭmu z mnostvam pierałomaŭ, unutranaje krovaźlićcio, a taksama «mocnuju błašynuju infiestacyju i kleščavuju invaziju». Niahledziačy na namahańni vieterynaraŭ, prahnoz dla asłablenaha arhanizma akazaŭsia niespryjalnym, i z humannych mierkavańniaŭ było pryniata rašeńnie ab eŭtanazii kacianiaci.
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary
Ja viedaju historyju jak u znajomaj zachvareła kotka, vietdoktar prapanavaŭ usypić. Jana admoviłasia, vychadziła sama lekami, prajšło 5 hadoŭ - kaciania dahetul žyvy-zdarovy.
Vietdaktary ŭ nas biaźlitasnyja i nizkakvalifikavanyja