Kadry ź miesca padziei apublikavaŭ karystalnik tyktoku, i jany chutka razyšlisia pa siecivie. Siarod vykinutaha — sałatnaja fijaletavaja cybula, buraki, morkva i navat kukuruza. Pa słovach aŭtara, harodnina vyhladaje dastatkova prydatnaj dla ježy, i, na jaho dumku, jaje možna było b addać tym, chto maje patrebu, paviedamlaje Ex-press.live.
U kantekście rostu cenaŭ na pradukty charčavańnia takija videa vyklikajuć šyroki hramadski rozhałas. Ludzi ŭ kamientaryjach aburajucca marnatraŭstvam i cikaviacca, ci možna zabrać hetyja pradukty sabie ci pieradać u dabračynnyja arhanizacyi.
Paźniej vyśvietliłasia, što harodninu vykarystali jak arhaničnaje ŭhnajeńnie. Kiraŭnik fiermierskaj haspadarki sa Smalavickaha rajona Uładzimir Krapiŭka rastłumačyŭ, što heta nielikvidnaja pradukcyja, jakaja psavałasia padčas zachoŭvańnia. Jaje vyvozili kožny hod jak arhaniku, i hetym razam — taksama. Harodnina naležała pryvatnaj asobie, jakaja vyjechała ŭ Rasiju i paprasiła zabrać sapsavanyja reštki.
Krapiŭka adznačyŭ, što nie razumieje, čamu ludzi kožny raz zdymajuć padobnyja videa, kali heta zvyčajnaja praktyka — utylizacyja praz uhnajeńnie.
Ciapier čytajuć
Łukašenka zahavaryŭ pra prarasijskaść Cichanoŭskaha, bajučysia nazvać jaho imia40
Kamientary
I što heta za biznes, kali pradukt vytvorčaści psujecca ŭ takoj kolkaści ? Heta nie realna. Tut niešta inšaje.