Kala Minska źnikła šylda pra Kurapaty

Łukašienko pieriepisał istoriju.

Paśla Druhoj suśvietnaj vajny 10-miljonnaja Biełaruś straciła kala 3-ch miljonaŭ svaich žycharoŭ, adnak kala 2-ch miljonaŭ byli zabityja jašče da vajny orhanami kamunistyčnaha NKVD. U Biełarusi fizyčna źniščyli 70 adsotkaŭ usich biełaruskich piśmieńnikaŭ, zabili vučonych i mastakoŭ. (Trupa Treciaha Biełaruskaha Dziaržaŭnaha teatru Ŭładzisłava Hałubka była aryštavanaja ŭ poŭnym składzie. Amal usie byli rasstralanyja.) Zabivali pa nacyjanalnaj prykmiecie. Dziela hetaha byŭ prydumany jarłyk «nacdem» (heta značyć — nacyjanalny demakrat, choć takoj partyi nie isnavała). Hety jarłyk pryklejvali da ŭsich biełarusaŭ, jakich stalinisty planavali źniščyć. U nietrach NKVD była prydumanaja nieisnujučaja antykamunistyčnaja arhanizacyja SVB («sajuz vyzvaleńnia Biełarusi»). Pad prydumany fantom enkavedysty pravodzili aryšty, viali ŭjaŭlajemaje śledstva, dapytvali, katavali, sudzili, potym ssyłali ŭ Maskoŭskuju imperyju i rasstrelvali niavinnych ludziej. Paśla Ryskaj zmovy ŭ 1921 hodzie Biełaruś padzialili miž Polščaj i Maskoŭskaj imperyjaj. Miažu padziełu praviali niepadalok ad Miensku. Isnavaŭ tajemny zahad NKVD źniščać usio biełaruskaje nasielnictva ŭzdoŭž miažy. Maskoŭskija akupanty chacieli zrabić tut biaźludnuju zonu. Źniščeńnie ažyćciaŭlali pamiežnyja vojski. Davieranym asobam vydavali vintoŭku i rydloŭku. Kali taki sałdat-pamiežnik sustrakaŭ u biaźludnym miescy (na darozie, u poli, u lesie) samotnaha biełarusa ci biełarusku, ci dzicia, jon stralaŭ čałavieka, tut ža rydloŭkaj vykopvaŭ jamu i zasypaŭ trup. Takoje było pradpisańnie. Ludzi ŭ vioskach nie tak bajalisia «čałavieka z ružžom», jak sałdata z rydloŭkaj. (Hetyja fakty apublikavanyja ŭ biełaruskaj presie ŭ pačatku 90-ch hadoŭ.) U 30-ch hadach na 95-99 adsotkaŭ (praktyčna całkam) była źniščanaja (sasłanaja i rasstralanaja) biełaruskaja kamunistyčna-partyjnaja i savieckaja administracyja. Źniščali navat dyrektarat i haspadarčych kiraŭnikoŭ. Na pasady zabitych administrataraŭ i kamunistyčnych načalnikaŭ-biełarusaŭ dasyłali «maskavitaŭ» z Maskoŭskaj imperyi. «Maskavity» 🇷🇺 (hetak zvanyja «vydvižency») pryjazdžali ŭ Biełaruś, zajmali vyzvalenyja pasady, atrymlivali ilhoty, majomaść, kvatery i pieršaje, što jany rabili — zakryvali biełaruskija škoły, pieravodzili ich na «maskoŭskuju» movu, kab ich dzieci mahli vučycca, nie abciažarvajučy siabie vyvučeńniem, jak jany kazali, «nikomu niepatrebnaj» biełaruskaj movy. Takim čynam akupanty stvarali ŭ Biełarusi «maskoŭskamoŭnaje» nasielnictva. Etnacyd, linhvacyd, mniemacyd i hienacyd pravodzilisia balšavikami adnačasova.

Źniščeńnie biełarusaŭ maskoŭskim NKVD praciahvałasia i ŭ časy niamieckaj akupacyi. U červieni 1941 hoda ŭ pieršyja dni vajny kamunisty rasstralali ŭ turmach i na etapach tysiačy źniavolenych. Tolki ŭ Bieraściejskaj krepaści, dzie była strašnaja turma NKVD, usich aryštavanych likvidavać nie paśpieli, častka ź ich raźbiehłasia. Tym časam vialikaja hrupa nahladčykaŭ i funkcyjaneraŭ NKVD była zabłakavanaja ŭ krepaści niemcami. Jany siadzieli tam kala miesiaca, pakul nie vymierli. Hadoŭ praz 20 paśla vajny kamunisty prydumali lehiendu pra «hieraičnuju abaronu» Bieraściejskaj krepaści. Źviartaje na siabie ŭvahu toj fakt, što šyroki saviecki partyzanski ruch byŭ arhanizavany tolki ŭ Biełarusi i častkova — na etničnych biełaruskich ziemlach, jakija byli ŭ składzie Maskoŭskaj imperyi (Smalenščyna, Branščyna). U akupavanaj Maskoŭskaj imperyi partyzanskaha ruchu nie było. Čamu? Dy tamu, što praciahvaŭ dziejničać plan źniščeńnia biełaruskaj nacyi. Maskva, vykarystoŭvajučy orhany NKVD, uciahnuła masy cyvilnaha biełaruskaha nasielnictva ŭ vajnu suprać niemcaŭ, i hetym padstaviła biełarusaŭ pad niamiecki ŭdar. Nieabchodnaja sprava baraćby zychodziła z kavarnaj zadumy i ažyćciaŭlałasia podłymi metadami. (Stalin chacieŭ atrymać padvojnuju vyhadu.) Enkavedysty admysłova kala biełaruskaj vioski zabivali niemca abo rabili inšuju pravakacyju, kab vyklikać karnuju aperacyju hitleraŭcaŭ (jakija zvyčajna spalvali ŭsiu viosku, čaściej za ŭsio — razam ź ludźmi). Takim čynam, darečy, u vyniku admysłovaj pravakacyi balšavickich partyzan była spalenaja i viadomaja Chatyń, jakuju kamunisty potym u 70-ch hadach razreklamavali na ŭvieś śviet jak typovuju achviaru fašystoŭskaha źvierstva. U vyniku takoj kamuna-fašystoŭskaj sumiesnaj «pracy» ŭ Biełarusi spalili bolš za 9 tysiač viosak. Tamu da kanca vajny, u vyniku admysłovaj aperacyi NKVD, mnohija biełaruskija kamandziry byli pasłanyja na śmierć, adchilenyja ad kamandavańnia, zabityja i represavanyja. Ich miescy zajmali maskavity, dasłanyja z Maskvy, i viernyja enkavedysty. Letam 1944 hoda, kali Čyrvonaja armija zaniała Biełaruś, maskavity praviali mabilizacyju ŭ vojska na biełaruskaj terytoryi. Dziasiatki tysiač maładych biełaruskich mužčyn, amal biez padrychtoŭki, kinuli na pieradavuju liniju frontu. Maskoŭskija kamandziry padymali ich u niepatrebnyja ataki pad ahoń niamieckich kulamiotaŭ, nia daŭšy navat zbroi ŭ ruki, ci ź vintoŭkami, ale biez patronaŭ. Jany hinuli tysiačami, jak trava pad kasoj. A tyja, što ŭciakali nazad, traplali pad kuli enkavedysckich «zahradatradaŭ». Zrešty, zahradatrady stralali i ŭ śpinu. Tak praciahvałasia źniščeńnie biełarusaŭ na vajnie, rukami niemcaŭ i maskavitaŭ adnačasova. Jak kazali kamunisty, «u baraćbie za savieckuju radzimu». U 40-ch hadach maskavity vyvieźli ŭ Sybir i tam zamučyli ŭsich leśnikoŭ i hetak zvanych «kułakoŭ» z Zachodniaj Biełarusi. Vyvozili vahonami, pa raznaradkach.

Nu tak riežimnaja idieołohija viernułaś k komuniackoj łži, čto v Kuropatach jakoby rasstrielivali nacisty. Śniatije šildy, eto užie śledstvije. Pośle padienija riežima Kuropaty pridiotsia otkryvať zanovo.