Prakuratura Małdovy patrabuje pryhavaryć kiraŭničku Hahauzii da dzieviaci hadoŭ turmy
U Małdovie ŭ dačynieńni da Jaŭhienii Hucuł raspačatyja dźvie kryminalnyja spravy.
Prakuratura Małdovy zapatrabavała prysudzić kiraŭničku Hahauzii (baškana) Jaŭhieniju Hucuł da dzieviaci hadoŭ pazbaŭleńnia voli, piša «Nastojaŝieje vriemia».
U Małdovie ŭ dačynieńni da Jaŭhienii Hucuł raspačatyja dźvie kryminalnyja spravy, ciapier jaje sudziać pavodle spravy, jakaja tyčycca pracy Hucuł u prarasijskaj partyi «Šor».
Kiraŭničku Hahauzii abvinavačvajuć u tym, što jana ŭdzielničała ŭ niezakonnym finansavańni partyi, u pryvatnaści, vaziła hrošy z Rasii ŭ Małdovu z 2019-ha pa 2022 hod. Druhaja sprava źviazanaja z udziełam Hucuł u arhanizacyi pratestaŭ u Kišyniovie ŭ 2022 hodzie, dzie jana, pavodle źviestak śledstva, adkazvała za vypłaty ludziam, mitynhoŭcam kala dziaržaŭnych ustanoŭ.
U kastryčniku 2024 hoda Jeŭrasajuz unios Hucuł u sankcyjny śpis za «prasoŭvańnie sieparatyzmu» ŭ Hahauzii, «ciesnyja suviazi z Rasijaj», «sprobu zrynuć kanstytucyjny paradak» i «pahrozy suvierenitetu i niezaležnaści Małdovy».
Hahauzija — aŭtanomnaja vobłaść Małdovy ź pieravažna ruskamoŭnym nasielnictvam. Rehijon tradycyjna vystupaje za zbližeńnie z Rasijaj i suprać intehracyi Małdovy ŭ Jeŭrapiejski sajuz. Pavodle vynikaŭ refierendumu, jaki adbyŭsia ŭ lutym 2014 hoda, bolš za 98 pracentaŭ udzielnikaŭ vykazalisia za intehracyju Małdovy ŭ Mytny sajuz.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary