Novaje vydaviectva Surma pieršaj knihaj vypuskaje pierakład ź litoŭskaj
Mižnarodny sajuz biełaruskich piśmieńnikaŭ zapuskaje ŭłasnuju knižnuju marku Surma, pad jakoj buduć vychodzić knihi biełaruskich i zamiežnych aŭtaraŭ. Pieršaj knihaj vydaviectva staŭ raman Hintarasa Hrajaŭskasa «Historyi pra advažnaha rycara Tenksałota i drakona mistara Kajndli». Ź litoŭskaj na biełaruskuju tvor pierakłała Sabina Bryło, piša bellit.info.
Hieroj apovieści Hintarasa Hrajaŭskasa adpraŭlajecca na pošuki drakona, kab jaho zabić, bo heta łahična i naturalna, kali ty zaviešsia rycaram. Tvajo atačeńnie patrabuje ad ciabie kanviencyjnaha dziejańnia — zabojstva. Heta ekzamien, jaki naležyć zdać hramadstvu, kab ciabie pryznali za taho, kim ty zajaŭleny. Ale «štości pajšło nie tak».
Dva antahanisty — rycar i drakony — zamiest taho, kab bicca, pačynajuć razmaŭlać. Čytač robicca słuchačom zachaplalnych historyj, u jakich realnyja histaryčnyja padziei i piersanažy pieraplatajucca z fantazijami, poŭnymi humaru i fiłasofii.
Mastackaje afarmleńnie Hanny Štolc.
Proza Hintarasa Hrajaŭskasa ŭpieršyniu publikujecca pa-biełarusku. Nabyć knihu možna praź internet kramu Kamunikat.shop.
Surma — partniorski prajekt Mižnarodnaha sajuzu biełaruskich piśmieńnikaŭ, jaki bazujeca ŭ Vilni. Pad brendam vydaviectva miarkujecca vypuskać knihi pa niekalkich nakirunkach. U najbližejšych płanach vychad knih pryzioraŭ premii imia Ježy Hiedrojcia, pieramožcaŭ litaraturnych konkursaŭ, adnaŭleńnie sieryi debiutnych knih «Punkt adliku», aryhinalnaja i pierakładnaja dziciačaja litaratura.
Cichanoŭski patłumačyŭ, čamu jon tak pavodziŭ siabie ŭ Ńju-Jorku124
Kamientary
[Zredahavana]