Pad Ščučynam 77-hadovaja babula stała mamaj dla buślaniat paśla ŭrahanu
U ahraharadku Vasiliški adbyłasia kranalnaja historyja, jakaja zakranuła sercy miascovych žycharoŭ. Paśla mocnaha vietru, jaki zvaliŭ dreva, dva buślaniaci, što jašče nie ŭmieli lotać, zastalisia biez hniazda. Ale ich los skłaŭsia inakš dziakujučy zvyčajnaj babuli ź niezvyčajna dobrym sercam.
Na dapamohu ptušaniatam pryjšła miascovaja žycharka — Janina Miečysłavaŭna Burakievič, piša vydańnie «Dziańnica».
— Jak ža ja mahła ich pakinuć? — kaža Janina Miečysłavaŭna. — Jany ž zusim biezabaronnyja.
Ciapier pad dacham jaje chlava pasialilisia dva novyja žychary — maleńkija buślaniaty.
77-hadovaja piensijanierka ŭłasnaručna zrabiła im časovaje žytło, a hałoŭnaje — uziała na siabie kłopat pra ich charčavańnie.
Kožny dzień jana kuplaje svaim padapiečnym śviežuju rybu, a tyja ŭžo paznajuć jaje hołas i radasna sustrakajuć, hučna šypiačy i piščačy pry vyhladzie ježy.
Samaje cikavaje ŭ hetaj historyi toje, što baćki ptušaniat nie pakinuli ich: darosłyja busły časta prylatajuć naviedacca da małych, a niepadalok pabudavali novaje hniazdo.
Chutka padrosłyja buślaniaty nabiarucca siły i navučacca lotać, ale svaju ratavalnicu jany dakładna nie zabuduć.
Heta historyja — napamin pra toje, što sapraŭdnaja dabrynia — nie ŭ hučnych słovach, a ŭ prostych učynkach.
Janina Miečysłavaŭna prosta nie zmahła prajści mima čužoj biady. I ciapier jana — nie tolki ratavalica ptušaniat, ale i prykład dla ŭsiaho ahraharadka.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj47
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary