Upieršyniu za doŭhi čas navukoŭcy sfatahrafavali dzicianiat śniežnaha barsa FOTY
Navukoŭcy ŭpieršyniu za apošnija šeść hadoŭ atrymali ŭnikalnyja zdymki dzicianiat redkaha i źnikajučaha vidu — śniežnaha barsa. Fatahrafii byli zroblenyja padčas letnich ekśpiedycyj u červieni i lipieni 2025 hoda ŭ hornych rehijonach Manholii, paviedamlaje New Scientist.
Daśledčyki z arhanizacyi Snow Leopard Trust znajšli łohvišča barsa dziakujučy GPS-našyjnikam, jakija raniej byli nadzietyja na 20 darosłych samak. Ale navat z technałohijami im pryjšłosia vykanać składanuju zadaču — abśledavać terytoryju pamieram kala 60 tysiač kvadratnych mietraŭ.
«Łohviščy barsaŭ zvyčajna schavanyja ŭ vuzkich raskolinach ŭ skałach abo ŭ piačorach, i ŭ nas byŭ tolki adzin šaniec: kali b maci viarnułasia raniej, my musili b spynić pošuki», — raskazaŭ daśledčyk Orjan Jochansan.
Dzicianiaty śniežnaha barsa na praciahu pieršych šaści miesiacaŭ žyćcia nie pakidajuć łohvišča, što robić ich amal niedasiahalnymi dla nazirańnia. Adnak mienavita na hetym etapie navukoŭcy mohuć atrymać kaštoŭnyja danyja, jakija dapamohuć lepš zrazumieć ekałohiju hetych žyvioł i raspracavać stratehii ich zachavańnia.
Śniežny bars znachodzicca pad pahrozaj źniknieńnia z 1972 hoda. Jaho papulacyja skaračajecca z-za brakańjerstva i źniščeńnia naturalnaha asiarodździa. Pavodle acenak Mižnarodnaha sajuza achovy pryrody, u dzikaj pryrodzie zastałosia ad 3920 da 6390 asobin hetaha vidu. Jany žyvuć u harach Centralnaj Azii, na terytoryi 12 krain, uklučajučy Kitaj, Indyju i Kyrhyzstan.
Ciapier čytajuć
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat3
U Mahilovie złavili mańjaka-lifciora, jaki ŭ 1990‑ia zhvałtavaŭ i zabiŭ vosiem dziaŭčat
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju1818
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju18
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1212
Kamientary