U Homieli mužčyna dvojčy znajšoŭ adzin i toj ža kašalok, ale akazaŭsia złodziejem
U kancy maja 52-hadovy niepracujučy mužčyna išoŭ u palikliniku i pa darozie zaŭvažyŭ pakinuty kimści na łaŭcy kašalok.
Mužčyna, pavodle jaho słoŭ, padumaŭ: «Kali ja jaho nie vaźmu — chtości inšy dakładna zabiare», i prysvoiŭ čužoje, paviedamlaje Belkagomel.by.
Najaŭnych hrošaj u kašalku akazałasia mienš, čym kaštavaŭ sam kašalok. Haradžanin zabraŭ 40 rubloŭ, a astatniaje vykinuŭ u kłumbu. Bankaŭskija kartki nie čapaŭ, zdymać hrošy nie sprabavaŭ.
Praź niekalki hadzin, viartajučysia dadomu, jon ubačyŭ kala toj samaj łaŭki milicyjantaŭ. Padumaŭ, što jany, mabyć, šukajuć zhubleny im siońnia kašalok i vyrašyŭ dapamahčy. Zalez u kłumbu, padabraŭ i addaŭ milicyi.
Supracoŭniki adrazu zapadozryli, što niešta nie toje. Admaŭlacca nie mieła sensu, tym bolš što la ŭvachodu ŭ padjezd była ŭstanoŭlenaja kamiera videanazirańnia. U vyniku mužčyna pryznaŭsia ŭ kradziažy.
Haspadarom kašalka akazaŭsia 23-hadovy chłopiec — jon zabyŭ jaho, kali sieŭ u taksi. Małady čałaviek nastajaŭ na tym, kab mužčynu pryciahnuli da adkaznaści, bo toj moh viarnuć kašalok praz bank ci milicyju. Akramia taho, u im byŭ členski bilet BRSM z asabistymi dadzienymi i fota.
Sprava pieradadziena ŭ sud, mužčynu abvinavačvajuć u kradziažy.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary